2 Samuel 1:2 - Yn Vible Casherick 1775 1819

² Haink eh eer gy-kione er yn trass laa, dy daink dooinney veih camp Saul, lesh e choamrey raipit, as ooir er e chione: as tra haink eh fenish Ghavid, dy chroym eh gys y thalloo, as ren eh biallys.

2 Samuel 1:2 ပူးပေါင်းရင်းမြစ်များ

Genesis 22:4

Eisht, er y trass laa, hrog Abraham seose e hooillyn, as honnick eh yn ynnyd foddey veih.

Genesis 37:29

As hyndaa Reuben reesht gys yn ooig; as cur-my-ner, cha row Joseph ayns yn ooig; as raip eh e choamraghyn.

Genesis 37:34

As raip Jacob e choamraghyn, as hug eh aanrit-sack er e veeghyn, as ren eh dobberan son e vac ymmodee laghyn.

Genesis 43:28

As dreggyr ad, Ta dty harvaant yn ayr ain ayns slaynt vie, t’eh foast bio: as chroym ad sheese nyn ghing, as ren ad biallys.

2 Samuel 1:3

As dooyrt David rish, Cre veih haink oo? As dooyrt eh rish, Veih camp Israel ta mee er gosney.

2 Samuel 13:19

As hug Tamar leoie er e kione, as raip ee e coamrey dy chaghlaaghyn daah v’urree, as hug ee e laue er e kione, as hie ee er e toshiaght keayney.

2 Samuel 14:4

As tra loayr y ven jeh Tekoah rish y ree, chroym ee e eddin gys y thalloo, as ren ee biallys, as dooyrt ee, Cooin lhiam, O ree.

2 Samuel 15:32

As haink eh gy-kione, tra va David er roshtyn mullagh y chronk, raad hug eh ooashley da Jee, cur-my-ner haink Hushai yn Archite ny whail lesh e chooat raipit, as leoie er e chione.

2 Samuel 24:20

As yeeagh Araunah, as honnick eh yn ree, as e gheiney cheet ny whail: as hie Araunah magh, as chroym eh eh-hene kiongoyrt rish y ree, lesh e eddin gys y thalloo.

2 Samuel 4:10

Tra dinsh fer dooys, gra, Cur-my-ner, ta Saul marroo, (smooinaghtyn dy row eh cheet lesh naightyn mie,) ghow mish greme er, as varr ayns Ziklag eshyn va smooinaghtyn dy gheddyn leagh son e skeeal.

Esther 4:16

Immee as chaggil cooidjagh ooilley ny Hewnyn t’ayns Shushan, as trosht-jee er my hon’s, as ny jean-jee gee ny giu son three laa, oie ny laa: neem’s as my vraane aegey myrgeddin trostey, as eisht hem stiagh gys y ree, red nagh vel cordail rish y leigh: as my ta mee kiarit son cherraghtyn, lhig dou cherraghtyn.

Esther 5:1

Nish haink eh gy-kione er y trass laa, dy dug Esther urree e coamrey reeoil, as hass ee ayns y chooyrt sodjey stiagh jeh thie yn ree, jeeragh er thie yn ree: as va’n ree ny hoie er e stoyl-reeoil ayns thie yn ree, jeeragh er giat y thie.

Psalmyn 66:3

Son nee ooilley yn seihll ooashley ’chur dhyt: goaill arrane jeed, as moylley dt’Ennym.

Ezekiel 27:30

As ver ad er nyn goraa dy ve er ny chlashtyn dt’oï, as nee ad geamagh dy sharroo, as tilgey joan er nyn ghing, nee ad gymmylt ad-hene ’sy leoie.

Hosea 6:2

Lurg daa laa ver eh orrin dy aa-vioghey, ’sy trass nee eh shin y hroggal seose reesht veih ny merriu, as bee mayd bio kiongoyrt rish.

Joel 2:13

As raip-jee nyn gree, as cha nee nyn goamraghyn, as chyndaa-jee gys y Chiarn y Jee eu; son t’eh graysoil as myghinagh, moal gys corree, as dy chenjallys vooar, as meiygh-chreeagh tra t’eh kerraghey.

Noo Mian 12:40

Son myr va Jonas three laghyn as three oieghyn ayns bolg y whale: myr shen bee Mac y dooinney three laghyn as three oieghyn ayns cree yn thallooin.

Noo Mian 16:21

Veih yn traa shen magh ren Yeesey toshiaght dy hoilshaghey da e ostyllyn, kys dy beign da goll seose gys Jerusalem, as goll fo mooarane surranse veih’n chanstyr, as ny ard-saggyrtyn, as ny scrudeyryn, as dy beagh eh er ny choyrt gy-baase, agh dy n’irragh eh reesht er y trass laa.

Joshua 7:6

As raip Joshua e choamrey, as huitt eh er e eddin gys yn ooir, kiongoyrt rish arg y Chiarn, derrey’n astyr, eh-hene as shanstyryn Israel, as hug ad joan er nyn ghing.

Ashlish 3:9

Cur-my-ner, ver-ym orroosyn jeh keeill Satan (ta gra dy nee Hewnyn ad, as nagh nee, agh ta breagagh) cur-my-ner, ver-yms orroo cheet as ooashley ’choyrt ec dty chassyn, as toiggal dy vel mish er ve graihagh ort.

1 Samuel 20:41

As cha leah’s va’n guilley er n’immeeaght, hrog David veih’n ynnyd my-yiass, as huitt eh er e eddin gys y thalloo, as chroym eh eh-hene three keayrtyn; as ren ad paagey y cheilley, as cheayn ad cooidjagh, agh David smoo ren dobberan.

1 Samuel 25:23

As tra honnick Abigail David, ren ee siyr, as harlheim ee jeh’n assyl, as huitt ee er e eddin kiongoyrt rish David, as chroym ee ee-hene gys y thalloo.

1 Samuel 4:12

As roie dooinney dy Venjamin veih’n chaggey, as haink eh gys Shiloh er y laa cheddin, lesh e choamraghyn raipit, as ooir er e chione.

1 Samuel 4:16

As dooyrt y dooinney rish Eli, Mish eh haink jiu veih’n armee as ren cosney veih’n chaggey. As dooyrt eh, Kys t’ad er gholl er ayns shen, my vac?