2 Samuel 1:17 - Yn Vible Casherick 1775 1819

¹⁷ As vrish David magh ayns yn arrane oanluckee shoh harrish Saul, as harrish Jonathan e vac:

2 Samuel 1:17 ပူးပေါင်းရင်းမြစ်များ

Genesis 50:11

As tra honnick cummaltee’n cheer, ny Canaaniteyn, y dobberan ayns laare Atad, dooyrt ad, Ta shoh dobberan trome da ny Egyptianee: shen-y-fa, ta’n boayl shen enmyssit Abel-mizraim, t’er cheu elley Yordan.

2 Samuel 1:19

Ta aalid Israel er ny stroie er dty ynnydyn ard: kys ta ny treanee er duittym!

2 Samuel 3:33

As ren y ree dobberan harrish Abner, as dooyrt eh, Nee myr kymmagh hooar Abner baase?

2 Recortyssyn 35:25

As ren Jeremiah dobberan son Josiah, as ren ooilley ny arranee chammah deiney as mraane gimraa er Josiah ayns nyn gronneeaght trimshagh gys y traa t’ayn, as va shoh son oardagh ayns Israel: as cur-my-ner, t’ad scruit ayns lioar y dobberan.

Psalmyn 35:14

Ren mee gymmyrkey mee hene myr gys my charrey, ny my vraar: hie mee dy trimshagh, myr fer ta dobberan son e voir.

Ezekiel 32:16

Shoh yn accan, lesh nee adsyn gaccan er e son: nee inneenyn ny ashoonee ish y cheayney, as dobberan er e son, eer son Egypt, as son ooilley yn ymmodee pobble ecksh, ta’n Chiarn Jee dy ghra.