2 Samuel 1:16 - Yn Vible Casherick 1775 1819

¹⁶ As dooyrt David rish, Dty uill dy row er dty chione hene: son ta dty veeal er n’ymmyrkey feanish dt’oï, gra, Ta mee er varroo fer-ooilit y Chiarn.

2 Samuel 1:16 ပူးပေါင်းရင်းမြစ်များ

2 Samuel 1:10

Myr shen hass mee er, as varr mee eh, son dy row mee shickyr nagh row saase ny chour lurg da ve er duittym: as ghow mee yn crown v’er e chione, as y brashleid v’er e roih, as ta mee er choyrt lhiam ad gys my hiarn.

2 Samuel 16:8

Ta’n Chiarn e chooilleeney ort ooilley fuill thie Saul, ’syn ynnyd echey t’ou uss er reill, as ta’n Chiarn er livrey’n reeriaght gys laue Absalom dty vac: jeeagh nish, ta dty olkys hene er verraghtyn ort, son dy nee dooinney folley oo.

1 Reeaghyn 2:37

Son shen myr vees eh, er y laa dy jeu magh, as goll harrish awin Kidron, bee fys ayd son firrinys dy bee oo ayns shickyrys er dty choyrt gy-baase: bee dty uill er dty chione hene.

Lioar Yob 15:6

Ta dty veeal hene dy dty gheyrey, as cha nee mish; ta eer dty veillyn hene gymmyrkey feanish dt’oï.

Raaghyn Creeney 6:2

T’ou ayns ribbey liorish goan dty veeal, t’ou goit lesh focklyn dty veeal hene.

Ezekiel 18:13

T’er chur magh er use, as er n’ghoaill bishaghey: bee y lheid echeysyn bio? Cha bee eh bio: t’eh er n’yannoo ooilley ny ard-pheccaghyn shoh, yiow eh son shickyrys baase, bee yn uill echey er e chione hene.

Ezekiel 33:5

Cheayll eh feiyr y trumpet, as cha ghow eh raaue, bee yn uill echey er hene: agh eshyn ta goaill raaue, saue-ee eshyn yn vioys echey hene.

Leviticus 20:16

As my ta ben lhie sheese roish baagh erbee, nee uss yn ven as y baagh y varroo: bee ad, son shickyrys, er nyn goyrt gy-baase: bee’n uill oc orroo hene.

Leviticus 20:27

Dooinney neesht ny ben, ta cur-rish obbeeys, ny buitcheraght, vees dy feer er nyn goyrt gy-baase; bee ad er nyn glaghey: bee’n uill oc orroo hene.

Leviticus 20:9

Quoi-erbee ta gwee mollaght da e ayr, ny e voir, bee eh er ny choyrt gy-baase; er hene vees yn uill echey.

Noo Mian 27:25

Eisht dansoor ooilley yn pobble, gra, Yn uill echey dy row orrinyn, as er nyn gloan.

Noo Luke 19:22

As dooyrt eh rish, Ass dty veeal hene nee’m oo y vriwnys, uss ghrogh harvaant, Va fys ayd dy row mee my ghooinney creoi, troggal shen nagh dug mee sheese, as buinn shen nagh chuirr mee:

Jannoo 18:6

Agh son wheesh as dy dirree ad magh n’oï, as dy loayr ad dy lunagh, chrie eh e choamrey, as dooyrt eh roo, Yn uill eu dy row er ny king eu hene; ta mish neu-chyndagh: veih shoh magh hem roym gys ny Ashoonee.

Jannoo 20:26

Shen-y-fa ta mee goaill feanish erriu er y laa t’ayn jiu, dy vel mee glen veih fuill dy chooilley ghooinney:

Romanee 3:19

Nish ta fys ain cre-erbee ta’n leigh dy ghra, te dy ghra roosyn ta fo’n leigh: dy vod dagh beeal ve ny host, as dy vod ooilley’n seihll ve oolee fenish Yee.

Deuteronomy 19:10

Nagh bee fuill neu-chyndagh er ny gheayrtey ’sy cheer ta’n Chiarn dty Yee dy choyrt dhyt son eiraght, myr shoh nagh bee loght fuill ort.

Joshua 2:19

As hig eh gy-kione, quoi-erbee hed magh er dorryssyn dty hie gys y traid, dy bee yn uill echey er y chione hene, as bee shinyn neu-chyndagh: as quoi-erbee vees mayrt’s ayns y thie, bee yn uill echeysyn er y chione ain, my ver dooinney erbee laue er.

Briwnyn 9:24

Dy voddagh y dewlys jeant er ny three-feed as jeih mec Jerubbaal ve cooilleenit, as yn uill oc lhie er Abimelech nyn mraar, ren ad y varroo, as er deiney Shechem, ren cooney lesh dy stroie e vraaraghyn.

1 Samuel 25:39

As tra cheayll David dy row Nabal marroo, dooyrt eh, Bannit dy row’n Chiarn ta er n’ghoaill seose cooish my scammylt veih laue Nabal, as er lhiettal e harvaant veih olk: son ta’n Chiarn er hyndaa olkys Nabal er e chione hene. As hug David fys, lesh cheb gys Abigail, dy ghoaill ee son ben.

1 Samuel 26:9

As dooyrt David rish Abishai, Ny marr eh: son quoi oddys e laue y heeyney magh noi ree ooilit y Chiarn, as ve gyn loght?