2 Samuel 1:11 - Yn Vible Casherick 1775 1819

¹¹ Eisht ghow David greme er e choamraghyn, as raip eh ad; as myrgeddin ren ooilley ny deiney va mârish.

2 Samuel 1:11 ပူးပေါင်းရင်းမြစ်များ

Genesis 37:29

As hyndaa Reuben reesht gys yn ooig; as cur-my-ner, cha row Joseph ayns yn ooig; as raip eh e choamraghyn.

Genesis 37:34

As raip Jacob e choamraghyn, as hug eh aanrit-sack er e veeghyn, as ren eh dobberan son e vac ymmodee laghyn.

Genesis 44:13

Eisht raip ad nyn goamraghyn, as laad ad dy chooilley ghooinney e assyl, as hyndaa ad reesht gys yn ard-valley.

2 Samuel 13:19

As hug Tamar leoie er e kione, as raip ee e coamrey dy chaghlaaghyn daah v’urree, as hug ee e laue er e kione, as hie ee er e toshiaght keayney.

2 Samuel 13:31

Eisht dirree’n ree, as raip eh e choamraghyn, as lhie eh er y thalloo; as hass ooilley e harvaantyn liorish lesh nyn goamraghyn raipit.

2 Samuel 3:31

As dooyrt David rish Joab, as ooilley’n pobble va mârish, Raip-jee nyn goamraghyn, as cur-jee aanrit-sack miu, as jean-jee dobberan roish Abner. As huill ree David eh-hene geiyrt er y charbyd.

2 Reeaghyn 5:7

As haink eh gy-kione, tra va ree Israel er lhaih yn screeuyn, dy raip eh e choamrey, as dooyrt eh, Nee Jee mish, dy choyrt baase ny bioys, dy vel y dooinney shoh cur chaghteraght hym’s dy lheihys dooinney jeh e louraanys? Shen-y-fa toig-jee, ta mee guee erriu, as jeeagh-jee kys t’eh shirrey oyr dy huittym magh rhym.

2 Recortyssyn 34:27

Er-yn-oyr dy row dty chree meiygh as dy ren oo oo-hene y injillaghey kiongoyrt rish Jee, tra cheayll oo e ghoan noi’n ynnyd shoh, as noi e chummaltee, as dy vel oo er injillaghey oo hene, as er raipey dty choamrey, as er ghobberan kiongoyrt rhym, ta mish myrgeddin er choyrt clashtyn dhyt, ta’n Chiarn dy ghra,

Ezra 9:3

As tra cheayll mee shoh, raip mee my gharmad, as my chloagey, as phluck mee jeh folt my chione, as my aasaag, as hoie mee sheese, ayns trimshey atchimagh.

Esther 4:1

Tra cheayll Mordecai kys myr ve kiarit, raip Mordecai e choamrey: as hug eh er aanrit-sack lesh leoie, as hie eh magh gys mean yn ard-valley, as cheayn eh lesh coraa ard as sharroo.

Jeremiah 36:24

Ny-yeih cha row aggle arryssagh orroo, cha raip ad nyn goamraghyn, chamoo yn ree hene, ny veg jeh e harvaantyn cheayll ooilley ny goan shoh.

Joel 2:13

As raip-jee nyn gree, as cha nee nyn goamraghyn, as chyndaa-jee gys y Chiarn y Jee eu; son t’eh graysoil as myghinagh, moal gys corree, as dy chenjallys vooar, as meiygh-chreeagh tra t’eh kerraghey.

Jannoo 14:14

Agh tra cheayll ny ostyllyn Barnabas as Paul jeh, raip ad nyn eaddagh, as roie ad stiagh mastey yn pobble, geamagh,

Romanee 12:15

Gow-jee boggey mâroosyn ta goaill boggey, as jean-jee dobberan mâroosyn ta dobberan.

Joshua 7:6

As raip Joshua e choamrey, as huitt eh er e eddin gys yn ooir, kiongoyrt rish arg y Chiarn, derrey’n astyr, eh-hene as shanstyryn Israel, as hug ad joan er nyn ghing.