2 Reeaghyn 7:4 - Yn Vible Casherick 1775 1819

⁴ My jir mayd, Hem mayd stiagh ’syn ard-valley, eisht ta’n gortey ’syn ard-valley, as yiow mayd baase ayns shen: as dy hoie raad ta shin, yiow mayd baase myrgeddin: nish er-y-fa shen, tar-jee, as lhig dooin tuittym gys sheshaght-caggee ny Syrianee: my ver ad nyn mioys dooin, bee mayd bio; as my ver ad gy-baase shin, cha bee mayd agh marroo.

2 Reeaghyn 7:4 ပူးပေါင်းရင်းမြစ်များ

2 Samuel 14:14

Son shegin dooin ooilley baase gheddyn, as ta shin myr ushtey deayrtit er y thalloo, nagh vod ve troggit reesht: chamoo ta Jee jannoo soiagh jeh persoon erbee; foast t’eh er n’oardaghey saase ’sy leigh, son coyrt lesh thie eshyn ta eiyrit magh veih e heer hene.

2 Reeaghyn 6:24

Agh haink eh gy-kione, lurg shoh, dy haggil Ben-hadad ree Syria yn slane sheshaght-caggee echey, as hie eh seose, as ren eh caggey noi Samaria.

2 Reeaghyn 7:5

As hrog ad orroo ayns y cho-leayrtys, dy gholl gys camp ny Syrianee: as tra v’ad er jeet gys yn ayrn sodjey magh jeh camp Syria, cur-my-ner, cha row dooinney ayns shen.

1 Recortyssyn 12:19

As haink paart jeh Manasseh harrish gys David (tra hie eh marish ny Philistinee noi Saul gys y chaggey: agh cha ren ad cooney lhieu: son er aa-choyrle, hug chiarnyn ny Philistinee ersooyl eh, gra, Tuittee eh gys e vainshtyr Saul, gys gaue y vioys ainyn).

Esther 4:16

Immee as chaggil cooidjagh ooilley ny Hewnyn t’ayns Shushan, as trosht-jee er my hon’s, as ny jean-jee gee ny giu son three laa, oie ny laa: neem’s as my vraane aegey myrgeddin trostey, as eisht hem stiagh gys y ree, red nagh vel cordail rish y leigh: as my ta mee kiarit son cherraghtyn, lhig dou cherraghtyn.

Jeremiah 14:18

My hem magh ’sy vagher, eisht cur-my-ner ad shen ta stroit lesh y chliwe! as my hem stiagh ’syn ard-valley, eisht cur-my-ner adsyn t’ayns raad y vaaish lesh y ghortey! dy jarroo, ta chammah yn phadeyr as yn saggyrt goll mygeayrt gys cheer nagh vel oayll oc er.

Jeremiah 8:14

Kys dy vel shin soie myr shoh? chaggle-jee shiu hene, as lhig dooin cosney stiagh gys ny ard-valjyn voallit, as lhig dooin ve nyn dhost ayns shen; son ta’n Chiarn nyn Yee er choyrt shin nyn dhost, as er chur dooin ushtey galley dy iu, er-yn-oyr dy vel shin er n’yannoo peccah noi’n Chiarn.

Jonah 3:9

Quoi ec ta fys my nee Jee chyndaa as meiyghey, as e yymmoose hrome y lhiettal, nagh jean mayd cherraghtyn?

Hebrewnee 9:27

As ’naght myr te er ny phointeil da deiney dy gheddyn baase un cheayrt, agh lurg shoh yn vriwnys: