2 Reeaghyn 7:3 - Yn Vible Casherick 1775 1819

³ As va kiare louraanee cheu-mooie jeh giat yn ard-valley: as dooyrt ad yn derrey yeh rish y jeh elley, Cre’n-fa ta shin nyn soie ayns shoh farkiagh er y baase?

2 Reeaghyn 7:3 ပူးပေါင်းရင်းမြစ်များ

2 Reeaghyn 5:1

Nish va Naaman, captan sheshaght-caggee ree Syria, ny ghooinney ooasle kiongoyrt rish e vainshtyr, as onnoroil; er-yn-oyr dy row’n Chiarn liorishyn er choyrt barriaght da Syria: v’eh myrgeddin ny ghooinney niartal ayns caggey; agh v’eh ny lourane.

2 Reeaghyn 7:4

My jir mayd, Hem mayd stiagh ’syn ard-valley, eisht ta’n gortey ’syn ard-valley, as yiow mayd baase ayns shen: as dy hoie raad ta shin, yiow mayd baase myrgeddin: nish er-y-fa shen, tar-jee, as lhig dooin tuittym gys sheshaght-caggee ny Syrianee: my ver ad nyn mioys dooin, bee mayd bio; as my ver ad gy-baase shin, cha bee mayd agh marroo.

2 Reeaghyn 8:4

As loayr y ree rish Gehazi, sharvaant yn dooinney dy Yee, gra, Insh dou, ta mee guee ort, jeh ooilley ny obbraghyn mooarey ta Elisha er n’yannoo.

Jeremiah 27:13

Cre’n-fa yinnagh shiu cherraghtyn, uss as dty phobble, liorish y chliwe, lesh y ghortey, as y chramp, myr ta’n Chiarn er loayrt noi’n ashoon ta gobbal shirveish ree Vabylon?

Jeremiah 8:14

Kys dy vel shin soie myr shoh? chaggle-jee shiu hene, as lhig dooin cosney stiagh gys ny ard-valjyn voallit, as lhig dooin ve nyn dhost ayns shen; son ta’n Chiarn nyn Yee er choyrt shin nyn dhost, as er chur dooin ushtey galley dy iu, er-yn-oyr dy vel shin er n’yannoo peccah noi’n Chiarn.

Earrooyn 12:10

As ren y bodjal troggal jeh’n chabbane-agglish, as cur-my-ner, haink Miriam dy ve louraanagh, gial myr sniaghtey: as yeeagh Aaron er Miriam, as cur-my-ner v’ee louraanagh.

Earrooyn 12:14

As dooyrt y Chiarn rish Moses, Dy beagh yn ayr eck er cheau shelley ’syn eddin eck, nagh beagh nearey er ve urree son shiaght laa? lhig ee ve er ny scarrey veih’n cheshaght son shiaght laa, as lurg shen lhig ee ve goit stiagh reesht.