2 Reeaghyn 7:2 - Yn Vible Casherick 1775 1819

² Eisht dreggyr chiarn, va fo laue’n ree, yn dooinney dy Yee, as dooyrt eh, cur-my-ner, dy jinnagh y Chiarn uinniagyn ayns niau, vod lheid y red y ve? As dooyrt eh, Cur-my-ner, nee oo fakin eh lesh dty hooillyn, agh cha jean oo gee jeh.

2 Reeaghyn 7:2 ပူးပေါင်းရင်းမြစ်များ

Genesis 7:11

As ’sy cheyoo cheead vleïn jeh eash Noah, ’sy nah vee, er y chiaghtoo laa yeig jeh’n vee, er y laa cheddin va ooilley undinyn y diunid vooar er nyn mrishey seose, as va uinniagyn yn aer foshlit.

2 Reeaghyn 5:18

Ayns y red shoh dy leih’n Chiarn da dty harvaant, tra hig my vainshtyr gys thie Rimmon, dy choyrt ooashley ayns shen, as my laue’s gymmyrkey lesh, as mee-hene croymmey ayns thie Rimmon; tra chroym mee sheese mee-hene ayns thie Rimmon, dy jean y Chiarn dty harvaant y phardooney ’sy chooish shoh.

2 Recortyssyn 20:20

As hie ad magh dy moghey gys faasagh Tekoa: as myr v’ad goll magh, hass Jehoshaphat, as dooyrt eh, Clasht-jee rhym’s, O Yudah, as shiuish chummaltee Yerusalem, cred-jee ayns y Chiarn nyn Yee, myr shen bee shiu er nyn niartaghey; cred-jee e adeyryn, myr shen nee shiu bishaghey.

Psalmyn 78:41

Shimmey keayrt ren ad eh y vrasnaghey ’syn aasagh: as eh y heaghney ’sy chaitnys ghennish.

Isaiah 7:9

As kione Ephraim Samaria, as kione Samaria mac Remaliah. Mannagh jean shiu credjal, son firrinys cha bee shiu er ny hickyraghey.

Jeremiah 29:32

Shen-y-fa shoh myr ta’n Chiarn dy ghra, Cur-my-ner, goyms kerraghey er Shemaiah yn Nehelamite, as er e luight: cha bee mac dooinney jeh faagit dy vaghey mastey yn pobble; chamoo nee eh fakin yn foays shen neem’s jannoo son my phobble, ta’n Chiarn dy ghra, er-yn-oyr dy vel eh er n’ynsaghey mee-viallys noi’n Chiarn.

Malachi 3:10

Cur-jee lhieu ooilley ny jagheenyn gys y thie-tashtee, dy vod beaghey ’ve ayns my hie’s, as prow-jee mee nish lesh shoh, ta Chiarn ny flaunyssee dy ghra, mannagh voshil-yms diuish uinniagyn yn aer, as deayrtey magh bannaght, nagh bee room dy liooar dy ghoaill stiagh eh.

Earrooyn 11:13

Cre’n raad yioyms feill dy choyrt da ooilley’n pobble shoh? son t’ad gaccan hym’s, gra, Cur dooin feill dy ee.

Earrooyn 23:19

Cha vel Jee myr dooinney, dy yannoo foalsaght, chamoo myr mac dooinney, dy chaghlaa e aigney: vel eh er ghra, as nagh jean eh cooilleeney? ny vel eh er loayrt, as nagh jean eh mie jeh?

Romanee 3:3

Son cre mannagh ren paart credjal? jean y mee-chredjue ocsyn firrinys Yee y choyrt naardey?

Deuteronomy 3:27

Fow seose gys mullagh Phisgah, as trog seose dty hooillyn lesh y sheear, as lesh y twoaie, as lesh y jiass, as lesh y shiar, as cronnee eh lesh dty hooillyn: son cha jed oo harrish yn Jordan shoh.

2 Timothy 2:13

My ta shin neu-firrinagh [dasyn], ny-yeih t’eshyn tannaghtyn firrinagh; cha vod eh eh-hene y obbal.