2 Reeaghyn 4:6 - Yn Vible Casherick 1775 1819

⁶ As haink eh gy-kione, tra va ny siyn lane, dy dooyrt ee rish e mec, Cur-jee lhieu foast hym saagh elley. As dooyrt ad r’ee, Cha vel saagh arragh ayn. As scuirr yn ooil dy vishaghey.

2 Reeaghyn 4:6 ပူးပေါင်းရင်းမြစ်များ

1 Reeaghyn 17:14

Son shoh myr ta’n Chiarn Jee Israel gra, Cha jig y varrel veinney fo, chamoo nee’n saagh ooil failleil, derrey’n laa ver yn Chiarn fliaghey er y thalloo.

2 Reeaghyn 13:19

As va’n dooinney dy Yee corree rish, as dooyrt eh, Lhisagh oo v’er woalley queig ny shey dy cheayrtyn; eisht veagh uss er woalley Syria derrey v’ou er stroie eh: agh nish cha bwoaill uss Syria agh three keayrtyn.

2 Reeaghyn 4:5

Myr shen hie ee rhymbee, as yeigh ee yn dorrys urree hene, as er e mec, hug lhieu ny siyn, as ren ee deayrtey magh.

Noo Mian 13:58

As cha nhimmey mirril dobbree eh ayns shen, kyndagh rish y vee-chredjue oc.

Noo Mian 14:20

As ren ad ooilley gee, as v’ad jeant magh: as hrog ad jeh’n fooilliagh daag ad, lane daa vaskad jeig.

Noo Mian 15:37

As ren ad ooilley gee, as v’ad er nyn yannoo magh: as hrog ad jeh’n fooilliagh va er-mayrn lane shiaght baskadyn.

Noo Mian 9:29

Eisht venn eh rish ny sooillyn oc, gra, Cordail rish nyn gredjue dy row nyn aghin eu.

Noo Luke 6:19

As va’n slane chaglym shirrey bentyn rish: son va bree goll magh ass, va dyn lheihys ad ooilley.

Noo Ean 6:12

Tra v’ad jeant magh, dooyrt eh rish e ostyllyn, Jean-jee yn vrooillagh ta er-mayrn y haglym cooidjagh nagh bee nhee erbee caillit.

Joshua 5:12

As va’n manna ec kione er laa-ny-vairagh erreish daue v’er n’ee jeh shenn arroo yn cheer; chamoo va manna arragh ec cloan Israel veih’n traa shen; agh ren ad gee jeh mess thalloo Chanaan yn vleïn shen.