2 Reeaghyn 4:4 - Yn Vible Casherick 1775 1819

⁴ As tra hig oo stiagh, nee oo yn dorrys y yeigh ort hene as er dty vec, as nee oo theaymey magh ayns ooilley ny siyn shen, as ver oo dy lhiattee shen ny vees lane.

2 Reeaghyn 4:4 ပူးပေါင်းရင်းမြစ်များ

2 Reeaghyn 4:3

Eisht dooyrt eh, Immee as eeasee dhyt siyn veih ooilley dty naboonyn mygeayrt, eer siyn follym; eeasee whilleen as oddys oo.

2 Reeaghyn 4:5

Myr shen hie ee rhymbee, as yeigh ee yn dorrys urree hene, as er e mec, hug lhieu ny siyn, as ren ee deayrtey magh.

Isaiah 26:20

Tar, my phobble, immee stiagh ayns dty hiamyryn, as jeigh mood dty ghorryssyn: follee oo hene myr dy beagh eh son shallid yiare, derrey vees yn jymmoose er n’gholl shaghey.

Noo Mian 6:6

Agh uss, tra t’ou goaill padjer, immee stiagh ayns dty hiamyr; as dooney dty ghorrys, guee gys dty Ayr dy follit, as nee dty Ayr ta fakin ny ta jeant dy follit, leagh y chur dhyt dy foshlit.

Noo Mark 5:40

As hie ad son craidey mysh, agh tra v’eh er chur ad ooilley magh, ghow eh ayr as moir y ven-aeg, as adsyn va mârish, as hie eh stiagh raad va’n ven-aeg ny lhie.

Noo Ean 6:11

As ghow Yeesey ny bwilleenyn, as tra v’eh er chur booise, rheynn eh ad er e ostyllyn, as rheynn adsyn ad orroosyn myr v’ad soie; as myrgeddin jeh ny eeastyn wheesh as bailloo.

Jannoo 9:40

Agh hug Peddyr ad ooilley magh, as ghlioon eh sheese, as ghow eh padjer, as hyndaa eh gys y chorp, as dooyrt eh, Tabitha, irree seose. As doshil ee e sooillyn: as tra honnick ee Peddyr, hoie ee seose.

Ephesianee 3:20

Nish huggeysyn ta abyl dy yannoo foddey erskyn ooilley ny ta shin geearree ny smooinaghtyn, cordail rish y phooar ta gobbraghey dy niartal aynin,