2 Reeaghyn 4:3 - Yn Vible Casherick 1775 1819

³ Eisht dooyrt eh, Immee as eeasee dhyt siyn veih ooilley dty naboonyn mygeayrt, eer siyn follym; eeasee whilleen as oddys oo.

2 Reeaghyn 4:3 ပူးပေါင်းရင်းမြစ်များ

2 Reeaghyn 3:16

As dooyrt eh, Myr shoh ta’n Chiarn dy ghra, Cleiy-jee ymmodee jeeigyn ’sy choan shoh.

2 Reeaghyn 4:2

As dooyrt Elisha r’ee, Cre nee’m er dty hon? insh dou: cre t’ayd ’sy thie? as dooyrt ee, Cha vel nhee erbee ec dty harvaant ’sy thie agh saagh dy ooil.

2 Reeaghyn 4:4

As tra hig oo stiagh, nee oo yn dorrys y yeigh ort hene as er dty vec, as nee oo theaymey magh ayns ooilley ny siyn shen, as ver oo dy lhiattee shen ny vees lane.

Psalmyn 81:10

Cha bee Jee erbee joarree aynyd’s: chamoo ver oo ooashley da Jee erbee elley.

Psalmyn 81:11

Mish y Chiarn dty Yee, hug lhiam uss magh ass thalloo Egypt: foshil dty veeal dy lhean, as lhieen-ym eh.

Noo Ean 16:24

Cha vel shiu foast er hirrey nhee erbee ayns yn ennym aym’s: shir-jee, as yiow shiu, dy vod y boggey eu v’er ny yannoo magh.

Noo Ean 2:7

Dooyrt Yeesey roo, Lhieen-jee ny siyn lesh ushtey. As lhieen ad ad seose gys yn oirr.