2 Reeaghyn 4:2 - Yn Vible Casherick 1775 1819

² As dooyrt Elisha r’ee, Cre nee’m er dty hon? insh dou: cre t’ayd ’sy thie? as dooyrt ee, Cha vel nhee erbee ec dty harvaant ’sy thie agh saagh dy ooil.

2 Reeaghyn 4:2 ပူးပေါင်းရင်းမြစ်များ

1 Reeaghyn 17:12

As dooyrt ee, Myr ta’n Chiarn dty Yee bio, cha vel wheesh berreen aym, agh lane doarn dy veinn ayns barrel, as red beg dy ooil ayns saagh: as cur-my-ner, ta mee chaglym brasnagyn, dy voddym goll stiagh dy aarlaghey eh er my hon hene as my vac, dy vod mayd gee eh, as baase y gheddyn.

2 Reeaghyn 2:9

As haink eh gy-kione, tra v’ad er gholl harrish, dy dooyrt Elijah rish Elisha, Shir cre nee’m er dty hon, roish my bee’m goit ersooyl voïd. As dooyrt Elisha, Ta mee guee ort, lhig da ayrn dooble jeh dty spyrryd ve orrym.

2 Reeaghyn 4:3

Eisht dooyrt eh, Immee as eeasee dhyt siyn veih ooilley dty naboonyn mygeayrt, eer siyn follym; eeasee whilleen as oddys oo.

Exodus 4:2

As dooyrt y Chiarn rish, Cre shen t’ayd ayns dty laue? As dooyrt eh, Lorg.

Noo Mian 15:34

Dooyrt Yeesey roo, Cre-woad bwilleen t’eu? Dooyrt adsyn, Shiaght, as kuse fardalagh dy eeastyn beggey.

Jannoo 3:6

Eisht dooyrt Peddyr, Argid as airh cha vel aym, agh lheid as t’aym ta mee dy chur dhyt: Ayns ennym Yeesey Creest dy Nazareth, irree seose as shooill.

2 Corinthianee 6:10

Myr lane dy hrimshey, foast dy kinjagh gennal; myr boghtyn, foast jannoo ymmodee berchagh; myr nagh beagh ain nhee erbee, as foast dy chooilley nhee ain.

Jamys 2:5

Toig-jee, my vraaraghyn ghraihagh, Nagh vel Jee er reih boghtyn y theihll shoh, berchagh ayns credjue, as eiraghyn y reeriaght t’eh er ghialdyn dauesyn ta graihagh er?