2 Reeaghyn 4:13 - Yn Vible Casherick 1775 1819

¹³ As dooyrt eh rish, Abbyr nish r’ee, Cur-my-ner, fakin dy vel oo er ghoaill ooilley’n chiarail shoh er nyn son; cre ta dy ve jeant er dty hon? nailt’s shin dy loayrt er dty hon rish y ree, ny rish ard-chaptan y cheshaght-chaggee? As dreggyr ee, Ta mee cummal mastey my phobble hene.

2 Reeaghyn 4:13 ပူးပေါင်းရင်းမြစ်များ

Genesis 14:24

Er-lhimmey jeh shen, ny ta ny deiney aegey er vaarail, as ayrn ny deiney hie mârym, Aner, Eshcol, as Mamre; lhig dauesyn nyn ayrn y goaill.

2 Samuel 19:13

As abbyr-jee rish Amasa, Nagh vel uss jeh my chraue, as jeh my eill? Dy jean Jee myr shen rhym’s, as ny smoo neesht, mannagh bee uss ard-chaptan y cheshaght-chaggee aym’s choud’s bio oo, ayns ynnyd Yoab.

1 Reeaghyn 2:32

As nee’n Chiarn chyndaa yn uill echey er e chione hene, ren tuittym er daa ghooinney ny s’ynrick as ny share na eh-hene, as varr eh ad lesh y chliwe, gyn-yss da my ayr David, ta shen dy ghra, Abner mac Ner, captan sheshaght-caggee Israel, as Amasa mac Jether, captan sheshaght-caggee Yudah.

2 Reeaghyn 4:12

As dooyrt eh rish Gehazi e harvaant, Eïe er y Shunammite shoh. As tra v’eh er n’eamagh urree, hass ee kiongoyrt rish.

2 Reeaghyn 4:14

As dooyrt eh, Cre ta eisht dy ve jeant er e son? As dreggyr Gehazi, Cur-my-ner, cha vel lhiannoo eck, as ta’n sheshey eck shenn.

2 Reeaghyn 8:1

Eisht loayr Elisha rish y ven (yn mac eck v’eh er aa-vioghey), gra Trog ort, as gow uss as lught dty hie, as cum-jee’n raad share oddys shiu beaghey: son ta’n Chiarn er harey gortey; as hig eh myrgeddin er y cheer son shiaght bleeaney.

2 Reeaghyn 9:5

As tra haink eh, cur-my-ner, va captanyn y cheshaght-chaggee nyn soie: as dooyrt eh, Ta chaghteraght aym’s hood’s, O chaptan. As dooyrt Jehu rish, Quoi j’in ooilley? As dooyrt eh, Hood’s, O chaptan.

Psalmyn 37:3

Cur uss dty varrant er y Chiarn, as jean dy mie: jean cummal ayns y cheer, as bee oo dy firrinagh er dty yannoo magh.

Romanee 16:2

Dy gow shiu r’ee ayns y Chiarn, myr te cooie da nooghyn, as dy gooin shiu lh’ee ayns cooish erbee vees feme eck erriu: son t’ee er choyrt oltagh-bea da ymmodee, as dou hene myrgeddin.

Romanee 16:6

Bannee-jee Moirrey, t’er ve feer dooie dooin.

Hebrewnee 13:5

Lhig da’n ymmyrkey-bea eu ve fegooish saynt; as bee-jee booiagh lesh lheid as t’eu: son t’eh er ghra, Cha vaag-ym, ny cha dreig-ym oo dy bragh.

Hebrewnee 6:10

Son cha vel Jee neu-chairagh, dy jarrood eh ny obbraghyn as y laboraght euish dy ghraih, ta shiu er hoilshaghey er coontey’n ennym echey, ayns dy vel shiu er hirveish er ny nooghyn, as ta foast shirveish [orroo.]