2 Reeaghyn 4:10 - Yn Vible Casherick 1775 1819

¹⁰ Lhig dooin, ta mee guee ort, shamyr veg y yannoo er y voalley, as soiaghey seose ayns shen er e hon lhiabbee, as boayrd, stoyl, as kainlere; tra hig eh nyn raad, dy vod eh goaill aaght ayns shen.

2 Reeaghyn 4:10 ပူးပေါင်းရင်းမြစ်များ

Romanee 12:13

Rheynn gys ymmyrch ny nooghyn; arryltagh dy choyrt oltaghey-bea da troailtee.

Hebrewnee 10:24

As lhig dooin smooinaghtyn dy dowin ry-cheilley, dy ghreinnaghey gys graih, as gys obbraghyn mie:

Noo Mian 25:40

As freggyree yn Ree, as jir eh roo, Dy firrinagh ta mee gra riu, Ayns wheesh as dy vel shiu er n’yannoo eh son y fer sloo jeu shoh my vraaraghyn, ta shiu er n’yannoo eh er my hon’s.

Hebrewnee 13:2

Ny jarrood-jee dy choyrt oltagh-bea da joarreeyn: son liorish ta paart er choyrt oltagh-bea da ainleyn gyn-yss daue hene.

Noo Luke 8:3

As Joanna ben Chuza stiurt Herod, as Susanna, as ymmodee elley, v’er hirveish er jeh nyn gooid.

Noo Mark 9:41

Son quoi-erbee ver diu cappan dy ushtey dy iu, ayns m’ennym’s, er-yn-oyr dy vel shiu bentyn gys Creest, dy firrinagh ta mee gra riu, nagh gaill eh e leagh.

Isaiah 32:8

Agh ta’n cree ooasle smooinaghtyn er nheeghyn ooasle, as liorish cooishyn ooasle nee eh shassoo.

1 Reeaghyn 17:19

As dooyrt eh r’ee, Cur dou dty vac. As ghow eh eh ass yn oghrish eck, as hug eh lesh eh seose er e lout raad v’eh goaill aaght, as chur eh dy lhie eh er e lhiabbee hene.

2 Reeaghyn 4:11

As haghyr eh er laa dy row, dy daink eh gys shen, as hie eh stiagh ’sy chiamyr, as ghow eh aaght ayn.