2 Reeaghyn 3:3 - Yn Vible Casherick 1775 1819

³ Ny-yeih ren eh lhiantyn rish peccaghyn Yeroboam mac Nebat, chleaynee Israel gys peccah, as cha hreig eh ad.

2 Reeaghyn 3:3 ပူးပေါင်းရင်းမြစ်များ

1 Reeaghyn 13:33

Lurg yn obbyr shoh, cha hyndaa Jeroboam veih e ghrogh raaidyn, agh ren eh reesht jeh’n sleih s’inshley saggyrtyn jeh ny ard-ynnydyn: quoi-erbee baillish, ren eh casherickey eh, as haink eh dy ve fer jeh saggyrtyn ny ard-ynnydyn.

1 Reeaghyn 14:16

As livreyee eh Israel seose, kyndagh rish peccaghyn Yeroboam, eh ren peccah, as hayrn Israel gys peccah.

1 Reeaghyn 14:9

Agh t’ou er n’yannoo olk erskyn ooilley ny va royd; son t’ou er n’gholl as er n’yannoo dhyt jeeghyn elley, as jallooyn lheït, dy my vrasnaghey gys corree, as t’ou er jyndaa cooyl rhym:

1 Reeaghyn 15:26

As ren eh dy olk ayns shilley’n Chiarn, as deiyr eh er raaidyn e ayr, as er e pheccah, liorish shen hayrn eh Israel gys peccah.

1 Reeaghyn 15:34

As ren eh dy olk ayns shilley’n Chiarn, as huill eh ayns raad Yeroboam, as ayns e pheccah liorish hayrn eh Israel gys peccah.

1 Reeaghyn 16:31

As haink eh gy-kione, myr nagh beagh eh agh red fardalagh dasyn dy hooyl ayns peccaghyn Yeroboam mac Nebat, dy ghow eh son ben Jezebel inneen Ethbaal ree ny Zidonianee, as hie eh as hirveish eh Baal, as hug eh ooashley da.

2 Reeaghyn 13:11

As ren eh shen ny va olk ayns shilley’n Chiarn; cha hreig eh ooilley peccaghyn Yeroboam mac Nebat, hayrn Israel fo peccah: huill eh ayndoo.

2 Reeaghyn 13:2

As ren eh shen ny va olk ayns shilley’n Chiarn, as deiyr eh er peccaghyn Yeroboam mac Nebat, v’er hayrn Israel gys peccah; cha hreig eh ad.

2 Reeaghyn 13:6

Ny-yeih cha ren ad scarrey rish peccaghyn thie Yeroboam, hayrn Israel fo peccah, agh jimmee ad ayndoo: as va keyll ny jallooyn ny hassoo myrgeddin ayns Samaria.)

2 Reeaghyn 14:24

As ren eh shen ny va olk ayns shilley’n Chiarn; cha ren eh treigeil ooilley peccaghyn Yeroboam mac Nebat, hayrn Israel gys peccah.

2 Reeaghyn 15:18

As ren eh shen ny va olk ayns shilley yn Chiarn: rish ooilley e hraa cha ren eh scarrey rish peccaghyn Yeroboam mac Nebat, ren Israel y chleayney gys peccah.

2 Reeaghyn 15:9

As ren eh shen ny va olk ayns shilley’n Chiarn, myr va e ayraghyn er n’yannoo: cha hreig eh peccaghyn Yeroboam mac Nebat, chleayn Israel gys peccah.

2 Reeaghyn 17:21

Son yiare eh Israel jeh veih thie Ghavid; ad ren ad Jeroboam mac Nebat ny ree: as deiyr Jeroboam Israel veih shirveish y Chiarn, as hug eh orroo peccah trome y yannoo.

2 Reeaghyn 17:22

Son huill cloan Israel ayns ooilley peccaghyn Yeroboam, as deiyr ad orroo;

2 Reeaghyn 17:23

Derrey scugh y Chiarn Israel ass e hilley, myr v’eh er ghra rish ooilley e harvaantyn ny phadeyryn. Myr shen va Israel er nyn goyrt lhieu ersooyl ass y cheer oc hene gys Assyria gys y laa t’ayn jiu.

2 Reeaghyn 21:16

Ren Manasseh myrgeddin deayrtey mooarane fuill neu-chyndagh, derrey v’eh er lhieeney Jerusalem veih kione gy-kione; marish e pheccah hene huggey v’eh er hayrn Judah, ayns jannoo shen ny va olk ayns shilley yn Chiarn.

2 Reeaghyn 23:15

Vrish eh sheese myrgeddin yn altar va ayns Beth-el, as yn ard-ynnyd ren Jeroboam mac Nebat, hayrn Israel fo peccah; vrish eh sheese yn altar as yn ard-ynnyd, as hug eh aile er yn ard-ynnyd, as vroo eh eh cha meein as joan, as losht eh yn cheyll.