2 Reeaghyn 3:2 - Yn Vible Casherick 1775 1819

² As ren eh olk ayns shilley’n Chiarn; agh cha nee casley rish e ayr, as casley rish e voir; son hug eh ersooyl jalloo Vaal va e ayr er n’yannoo.

2 Reeaghyn 3:2 ပူးပေါင်းရင်းမြစ်များ

1 Reeaghyn 16:19

Son e pheccaghyn v’eh er chur roo ayns jannoo dy olk ayns shilley’n Chiarn, gimmeeaght ayns raad Yeroboam, as ayns y peccah shen v’eh er n’yannoo, dy hayrn Israel fo peccah.

1 Reeaghyn 21:20

As dooyrt Ahab rish Elijah, Vel oo er my gheddyn magh, O my noid? As dreggyr eh, Ta mee er gheddyn magh oo; er-yn-oyr dy vel oo er chreck oo-hene dy obbraghey olk ayns shilley’n Chiarn.

1 Reeaghyn 21:25

Agh cha row fer erbee goll-rish Ahab, ren creck eh-hene dy obbraghey olkys ayns shilley’n Chiarn, eh ren Jezebel e ven y ghreinnaghey.

2 Reeaghyn 10:18

As haggil Jehu ooilley’n pobble cooidjagh, as dooyrt eh roo, Ren Ahab shirveish Baal ny veggan, agh nee Jehu ard shirveish da.

2 Reeaghyn 21:20

As ren eh olk ayns shilley yn Chiarn, myr va e ayr Manasseh er n’yannoo.

2 Reeaghyn 21:6

As hug eh er e vac dy gholl trooid yn aile, as deiyr eh er guessyn, as hug eh rish buitcheraght, as ghell eh rish spyrrydyn faishnee as fir-obbee: as dobbree eh mooarane olk ayns shilley yn Chiarn, dy vrasnaghey eh gys corree.

2 Reeaghyn 9:22

As haink eh gy-kione, tra honnick Joram Jehu, dy dooyrt eh, Vel ooilley ayns shee, Yehu? As dreggyr eh, Cre’n shee, choud’s ta streebeeys [spyrrydoil] dty voir Jezebel, as y vuitcheraght eck, wheesh er vishaghey?

2 Reeaghyn 9:34

As tra v’eh er jeet stiagh, ren eh gee as giu, as dooyrt eh, Gow-jee, as jeeagh-jee lurg y ven chustey shoh, as lhig-jee ve oanluckit: son t’ee inneen ree.

Exodus 23:24

Cha jean oo croymmey sheese gys ny jeeghyn oc, ny shirveish ad, ny jannoo lurg nyn obbraghyn, agh nee oo stroie ad dy bollagh, as slane brishey ny jallooyn oc.

1 Samuel 15:19

Cre’n-fa eisht, nagh dug oo biallys da coraa yn Chiarn, agh roie oo er y spooilley, as ren oo olk ayns shilley’n Chiarn?