2 Reeaghyn 24:3 - Yn Vible Casherick 1775 1819

³ Ec sarey yn Chiarn haink shoh dy jarroo er Judah, dy scughey ad ass e hilley son peccaghyn Vanasseh, cordail rish ooilley ny ren eh;

2 Reeaghyn 24:3 ပူးပေါင်းရင်းမြစ်များ

Genesis 50:20

Agh er ny son euish, ren shiu smooinaghtyn dy olk m’oï; agh chiare Jee eh son bannaght, dy chur lesh eh mygeayrt, myr te er y laa t’ayn jiu, dy hauail mooarane pobble bio.

2 Reeaghyn 17:18

Shen-y-fa va’n Chiarn feer chorree rish Israel, as scugh eh ad ass e hilley: cha row faagit agh tribe Yudah ny-lomarcan.

2 Reeaghyn 17:20

As ren y Chiarn tilgey jeh sluight Israel, as hug eh seaghyn nyn raad, as livrey eh ad gys laueyn ny spooilleyderyn, derrey v’eh dy bollagh er scughey ad ass e hilley.

2 Reeaghyn 17:23

Derrey scugh y Chiarn Israel ass e hilley, myr v’eh er ghra rish ooilley e harvaantyn ny phadeyryn. Myr shen va Israel er nyn goyrt lhieu ersooyl ass y cheer oc hene gys Assyria gys y laa t’ayn jiu.

2 Reeaghyn 18:25

Vel mee nish er jeet seose fegooish y Chiarn noi’n ynnyd shoh dy stroie eh? Dooyrt y Chiarn rhym’s. Seose lhiat noi’n cheer shoh, as stroie eh.

2 Reeaghyn 21:16

Ren Manasseh myrgeddin deayrtey mooarane fuill neu-chyndagh, derrey v’eh er lhieeney Jerusalem veih kione gy-kione; marish e pheccah hene huggey v’eh er hayrn Judah, ayns jannoo shen ny va olk ayns shilley yn Chiarn.

2 Reeaghyn 24:20

Son trooid jymmoose y Chiarn haink shoh er Jerusalem as Judah, dy hilgey ad magh veih e enish, dy ren Zedekiah girree-magh noi ree Vabylon.

2 Recortyssyn 24:24

Son haink armee Syria lesh sheshaght fardalagh dy gheiney, as ren y Chiarn earroo yindyssagh dy leih y livrey gys nyn laue, er-y-fa dy row ad er hreigeil y Chiarn, Jee nyn ayraghyn: myr shen ren ad briwnys Yee y chooilleeney er Joash.

2 Recortyssyn 25:16

As haink eh gy-kione myr v’eh taggloo rish, dy dooyrt y ree rish, Nee uss fer jeh fir-choyrlee yn ree? bee dty host, nonney ver-ym gy-baase oo. Eisht cha jagh y phadeyr ny-sodjey lesh, agh dooyrt eh, Ta fys aym dy vel Jee er chiarail dy stroie oo, er-yn-oyr dy vel oo er n’yannoo shoh, as nagh vel oo er n’eaishtagh rish my choyrle’s.

Exodus 20:5

Cha jean oo croymmey oo hene sheese huc, ny ooashley ’chur daue: son ta mish y Chiarn dty Yee my Yee eadolagh, kerraghey peccaghyn ny ayraghyn er y chloan gys y trass as y chiarroo heeloghe jeusyn ta dwoaie oc orrym;

Isaiah 45:7

Ta mee kiaddey yn soilshey, as croo yn dorraghys; ta mee jannoo shee as reill yn olk. Mish yn Chiarn ta bun ooilley ny reddyn shoh.

Jeremiah 32:31

Son ta’n ard-valley shoh er ve dooys oyr corree as eulys, veih’n laa hrog ad eh, eer gys y laa t’ayn jiu, as derrey hed eh er scughey ass my hilley;

Jeremiah 52:28

Shoh yn pobble hug Nebuchadrezzar lesh ersooyl ayns cappeeys: ’sy chiaghtoo vleïn, three thousaneyn as three as feed dy Hewnyn:

Ezekiel 22:3

Eisht abbyr uss, Myr shoh ta’n Chiarn Jee dy ghra, Ta’n ard-valley deayrtey fuill ayns e mean, dy vod yn traa eck ve er ny chooilleeney, as ta jannoo jallooyn noi eck hene, dy hayrn loght urree hene.

Ezekiel 24:6

Shen-y-fa myr shoh ta’n Chiarn Jee dy ghra, Smerg da’n ard-valley folley, da’n phot, ta’n veeaylys echey ayn, as nagh vel y veeaylys echey er n’gholl magh ass, cur-jee lhieu magh eh, peesh as peesh, ny lhig da cronney erbee tuittym er.

Amos 3:6

Bee trumpet er ny heidey ayns yn ard-valley, as gyn y pobble ve agglit? bee seaghyn ayn, as nagh nee yn Chiarn t’er n’yannoo eh?

Micah 2:10

Trog-jee erriu, as gow-jee reue, son cha nee shoh yn ynnyd-vaghee eu: er-yn-oyr dy vel eh neu-ghlen, nee eh shiu y stroie lesh stroialtys seiyjagh.

Deuteronomy 28:63

As hig eh gy-kione, myr ghow yn Chiarn boggey jiu, dy yannoo mie diu, as dy vishaghey shiu: myr shen bee eh aigney yn Chiarn, dy stroie shiu, as dy choyrt shiu gys veg; as bee shiu astyrit ass y cheer, raad ta shiu goll dy chummal ayn.

Deuteronomy 29:28

As dastyr y Chiarn ad ass y cheer oc ayns e arg, as ayns e chorree, as ayns e yymmoose vooar, as hilg eh magh ad gys cheer elley, myr s’erree daue jiu.

Joshua 23:15

Shen-y-fa hig eh gy-kione, ’naght myr ta dy chooilley nhee mie er jeet erriu, ta’n Chiarn nyn Yee er yialdyn diu; myr shen ver y Chiarn lesh erriu dy chooilley olk, derrey vees eh er stroie shin ass y cheer mie shoh ta’n Chiarn nyn Yee er choyrt diu.