2 Reeaghyn 22:9 - Yn Vible Casherick 1775 1819

⁹ As haink Shaphan yn scrudeyr gys y ree, as dinsh eh da’n ree, as dooyrt eh, Ta dty harvaantyn er haglym yn argid v’er ny gheddyn ayns y thie, as t’ad er livrey eh gys laueyn ny obbreeyn ta currym thie yn Chiarn orroo.

2 Reeaghyn 22:9 ပူးပေါင်းရင်းမြစ်များ

2 Reeaghyn 18:18

As tra v’ad er n’eamagh gys y ree, haink magh huc Eliakim mac Hilkiah, va harrish y lught-thie, as Shebna yn scrudeyr, as Joah mac Asaph yn recorder.

2 Reeaghyn 22:10

As hoilshee Shaphan yn scrudeyr da’n ree, gra, Ta Hilkiah yn saggyrt er livrey lioar dooys. As ren Shaphan lhaih eh fenish y ree.

2 Reeaghyn 22:12

As doardee yn ree da Hilkiah yn saggyrt, as Ahikam mac Shaphan, as Achbor mac Michaiah, as Shaphan yn scrudeyr, as Asahiah sharvaant y ree, gra,

2 Reeaghyn 22:3

As haink eh gy-kione, ayns y hoghtoo vleïn jeig jeh ree Josiah, dy dug y ree Shaphan mac Azaliah, mac Meshullam yn scrudeyr, gys thie yn Chiarn, gra,

2 Reeaghyn 22:8

As dooyrt Hilkiah yn ard-saggyrt rish Shaphan yn scrudeyr, Ta mee er gheddyn lioar y leigh ayns thie yn Chiarn. As hug Hilkiah yn lioar da Shaphan, as lhaih eh ayn.

2 Reeaghyn 25:22

Agh son y pobble v’er-mayrn ayns cheer Yudah, va Nebuchadnezzar ree Vabylon er n’aagail ayn, eer harrystoo shoh ren eh Gedaliah mac Ahikam, mac Shaphan, ny chiannoort.

Jeremiah 26:24

Ny-yeih, va laue Ahikam mac Shaphan marish Jeremiah, nagh row eh er ny livrey seose gys laueyn y phobble dy choyrt eh dy baase.

Jeremiah 29:3

Liorish laue Elasah mac Shaphan, as Gemariah mac Hilkiah, (hug Zedekiah ree Yudah gys Babylon gys Nebuchadnezzar ree Vabylon,) gra,

Jeremiah 39:14

Eer adsyn hug fys, as ghow ad Jeremiah ass cooyrt y phryssoon, as livrey ad eh gys currym Ghedaliah mac Ahikam, mac Shaphan, eh dy chur lesh thie eh: myr shen ren eh baghey mastey’n pobble.

Jeremiah 40:11

Myr-chaagh, tra va ooilley ny Hewnyn v’ayns Moab, as mastey ny Ammoniteyn, as ayns Edom, as ayns ooilley ny cheeraghyn mygeayrt, er chlashtyn dy row ree Vabylon er vaagail fooilliagh dy Yudah, as dy row eh er hoiaghey harrystoo Gedaliah mac Ahikam, mac Shaphan;

Jeremiah 41:2

Eisht dirree Ishmael mac Nethaniah, as ny jeih deiney va mârish, as woaill ad Gedaliah mac Ahikam, mac Shaphan, lesh y chliwe, as varr ad eshyn va ree Vabylon er n’yannoo ny chiannoort harrish y cheer.

Ezekiel 8:11

As hass kiongoyrt roo three-feed as jeih deiney jeh shanstyr thie Israel, as ayns y vean oc hass Jaazaniah mac Shaphan, dagh dooinney lesh e henser ny laue, as hrog bodjal choo dy incense seose voue.