2 Reeaghyn 22:4 - Yn Vible Casherick 1775 1819

⁴ Gow seose gys Hilkiah yn ard-saggyrt, as lhig da coontey yn argid t’ayns thie yn Chiarn, ta porteryn ny giattyn er hroggal jeh’n pobble:

2 Reeaghyn 22:4 ပူးပေါင်းရင်းမြစ်များ

2 Reeaghyn 12:4

As dooyrt Jehoash rish ny saggyrtyn, Ooilley argid yn chooid chasherick t’er ny choyrt lesh stiagh gys thie’n Chiarn, eer argid y cheesh ta soit er kione dagh dooinney dy eeck, as ooilley’n argid ta dagh dooinney lesh cree arryltagh dy hebbal ayns thie’n Chiarn,

2 Reeaghyn 12:5

Lhig da ny saggyrtyn y hroggal eh, dy chooilley ghooinney jeh e ainjys, dy cherraghey brishaghyn y thie, raad erbee vees failleil ry-gheddyn.

2 Reeaghyn 18:18

As tra v’ad er n’eamagh gys y ree, haink magh huc Eliakim mac Hilkiah, va harrish y lught-thie, as Shebna yn scrudeyr, as Joah mac Asaph yn recorder.

1 Recortyssyn 6:13

As hooar Shallum Hilkiah, as hooar Hilkiah Azariah,

1 Recortyssyn 9:11

As Azariah, mac Hilkiah, mac Meshullam, mac Zadok, mac Meraioth, mac Ahitub, fer-oik ayns thie Yee,

1 Recortyssyn 9:19

As Shallum, mac Kore, mac Ebiasaph, mac Korah, as e vraaraghyn, (jeh thie e ayrey) va ny Korahiteyn harrish obbyr y chirveish, freayll giattyn y chabbane-agglish: as nyn ayraghyn va leeideilee sheshaght-caggee yn Chiarn, va currym y phorch orroo.

2 Recortyssyn 8:14

As phoint eh, cordail rish oardagh e ayr David coorseyn ny saggyrtyn gys y chirveish oc, as ny Leviteyn gys nyn gurmyn, dy chur moylley as dy hirveish kiongoyrt rish ny saggyrtyn, myr va currym dagh-laa cheet mygeayrt, ny arreyderyn neesht lurg nyn goorseyn, ec dagh giat; son myr shoh va David yn dooinney dy Yee er harey,

Nehemiah 11:19

Ny-sodjey, va porteryn ny giattyn Akkub, Talmon as e vraaraghyn hoght-feed as ghaa-yeig.

Psalmyn 84:10

Son ta un laa ayns dty chooyrtyn: ny share na thousane.