2 Reeaghyn 22:3 - Yn Vible Casherick 1775 1819

³ As haink eh gy-kione, ayns y hoghtoo vleïn jeig jeh ree Josiah, dy dug y ree Shaphan mac Azaliah, mac Meshullam yn scrudeyr, gys thie yn Chiarn, gra,

2 Reeaghyn 22:3 ပူးပေါင်းရင်းမြစ်များ

2 Reeaghyn 12:10

As myr shen ve, tra honnick ad dy row mooarane argid ’sy chishtey, dy daink scrudeyr y ree as yn ard-saggyrt seose, as hug ad eh ayns sporranyn, as choont ad yn argid va ry-gheddyn ayns thie’n Chiarn.

2 Reeaghyn 23:23

Agh ayns yn hoghtoo vleïn jeig jeh ree Josiah, ayn va’n chaisht shoh er ny reayll gys y Chiarn ayns Jerusalem.

Jeremiah 1:2

Huggeysyn haink goo yn Chiarn rish lhing Yosiah mac Amon ree Yudah, ayns y trass vleïn jeig jeh e reill.

Jeremiah 36:10

Eisht ren Baruch lhaih ass y lioar goan Yeremiah ayns thie yn Chiarn, ayns shamyr Ghemariah mac Shaphan y scrudeyr, ’sy chooyrt syrjey, liorish giat noa thie yn Chiarn, ayns clashtyn ooilley yn pobble.

Jeremiah 36:11

Nish tra va Michaiah mac Ghemariah, mac Shaphan, er chlashtyn ass y lioar ooilley goan y Chiarn.

Jeremiah 36:12

Dy jagh eh sheese gys thie yn ree, gys shamyr yn ard-scrudeyr: as cur-my-ner, va ooilley ny princeyn nyn soie ayns shen, eer Elishama yn scrudeyr, as Delaiah mac Shemaiah, as Elnathan mac Achbor, as Gemariah mac Shaphan, as Zedekiah mac Hananiah, as ooilley ny ard-gheiney.