2 Reeaghyn 2:4 - Yn Vible Casherick 1775 1819

⁴ As dooyrt Elijah rish, Elisha, fuirree ayns shoh, ta mee guee ort; son ta’n Chiarn er my choyrt gys Jericho. As dooyrt eh, Myr ta’n Chiarn bio, as myr ta dt’annym bio, cha vaag-ym oo. Myr shen haink ad gys Jericho.

2 Reeaghyn 2:4 ပူးပေါင်းရင်းမြစ်များ

1 Reeaghyn 16:34

Ayns y lhing echeysyn ren Hiel yn Beth-elite troggal Jericho: hoie eh yn undin echey er baase Abiram e chied vac, as hoie eh seose ny giattyn echey er baase e vac saa Segub, cordail rish goo’n Chiarn, loayr eh liorish Joshua mac Nun.

2 Reeaghyn 2:2

As dooyrt Elijah rish Elisha, Fuirree ayns shoh, ta mee guee ort; son ta’n Chiarn er m’y choyrt er chaghteraght gys Beth-el. As dooyrt Elisha rish, Myr ta’n Chiarn bio, as myr ta dty annym bio, cha vaag-ym oo. Myr shen hie ad ny-neesht sheese gys Beth-el.

2 Reeaghyn 4:30

As dooyrt moir y lhiannoo, Myr ta’n Chiarn bio, as myr ta dt’annym’s bio, cha vaag-yms oo As hrog eh er, as deiyr eh urree.

Noo Luke 19:1

As hie Yeesey stiagh, as jimmee eh trooid Jericho.

Jannoo 11:23

As tra v’eh er jeet as er vakin grayse Yee, ghow eh boggey, as choyrlee eh ad ooilley, lesh slane cree ad dy lhiantyn gys y Chiarn.

Jannoo 2:42

As ren ad tannaghtyn ayns ynsagh as sheshaght ny hostyllyn, as ayns brishey arran, as ayns padjeryn.

Joshua 6:1

Nish va Jericho dy chion jeight seose, er-aggle roish cloan Israel: cha jagh unnane magh, as cha daink unnane stiagh.

Joshua 6:26

As hug Joshua ad fo loo ec y traa shen, gra, Cursit dy row yn dooinney fenish y Chiarn nee goaill er dy hroggal yn ard-valley shoh Jericho: nee eh soiaghey yn undin echey ayns baase e vac shinney, as ayns baase e vac saa nee eh soiaghey seose e yiattyn.

Ruth 1:16

As dooyrt Ruth, Ny jean m’y hionney dy hreigeil oo, as dy gholl roym: son raad erbee dy jed uss, hem’s mayrt; as raad nee uss aaght y ghoaill, goyms myrgeddin aaght: bee’n pobble ayd’s, yn pobble aym’s, as y Jee ayd’s, my Yee’s:

1 Samuel 1:26

As dooyrt ee, Oh my hiarn; myr ta dty annym bio, my hiarn, she mish y ven hass liort’s ayns shoh, goaill padjer gys y Chiarn.