2 Reeaghyn 2:3 - Yn Vible Casherick 1775 1819

³ As haink mec ny phadeyryn, v’ec Beth-el, magh gys Elisha, as dooyrt ad rish, Vel fys ayd dy jean y Chiarn troggal seose dty vainshtyr veih dty chione er y laa shoh? As dooyrt eh, S’feer ta fys aym er; bee-jee shiuish nyn dhost.

2 Reeaghyn 2:3 ပူးပေါင်းရင်းမြစ်များ

1 Reeaghyn 18:4

Son shen myr ve, tra ren Jezebel stroie phadeyryn y Chiarn, dy ghow Obadiah keead phadeyr, as dollee eh ad jeih as da-eed ayns ooig, as ren eh ad y veaghey lesh arran as ushtey.)

1 Reeaghyn 20:35

As loayr dooinney dy row jeh mec ny phadeyryn rish e naboo ayns goo’n Chiarn, Bwoaill mee, ta mee guee ort. As dob y dooinney dy woalley eh.

2 Reeaghyn 2:15

As tra honnick mec ny phadeyryn eh, adsyn hie dy ghoaill baght ec Jericho, dooyrt ad, Ta spyrryd Elijah tannaghtyn er Elisha. As hie ad ny whail, as ren ad croymmey ad-hene gys y thalloo kiongoyrt rish:

2 Reeaghyn 2:5

As haink mec ny phadeyryn, v’ec Jericho, magh gys Elisha, as dooyrt ad rish, Vel fys ayd dy jean y Chiarn troggal seose dty vainshtyr veih dty chione er y laa shoh? As dreggyr eh, Dy jarroo ta fys aym er; bee-jee shiuish nyn dhost.

2 Reeaghyn 2:7

As hie jeih deiney as da-eed jeh mec ny phadeyryn, as hass ad dy ghoaill baght foddey jeh: as hass ad ny-neesht liorish Jordan.

2 Reeaghyn 4:1

Nish deïe ben dy row jeh mraane mec ny phadeyryn gys Elisha, gra, Ta dty harvaant my heshey marroo; as ta fys ayd’s dy row dty harvaant ayns aggle y Chiarn: as ta’n eeaseyder er jeet dy ghoaill da hene my ghaa vac dy ve e harvaantyn bondee.

2 Reeaghyn 4:38

As haink Elisha reesht gys Gilgal, as va genney ’sy cheer, as va mec ny phadeyryn nyn soie kiongoyrt rish: as dooyrt eh rish e harvaant, Soie’n pot mooar er yn aile, as jean poddash y aarlaghey son mec ny phadeyryn.

2 Reeaghyn 5:22

As dooyrt eh, Ta ooilley dy mie. Ta my vainshtyr er m’y choyrt, gra, Cur-my-ner, eer ec y traa shoh t’er jeet hym’s veih slieau Ephraim daa ghooinney aegey jeh mec ny phadeyryn: cur daue, ta mee guee ort, talent dy argid, as daa chaghlaa coamrey.

2 Reeaghyn 6:1

AS dooyrt mec ny phadeyryn rish Elisha, Cur-my-ner nish, ta’n ynnyd raad ta shin cummal mayrt’s ro choon er nyn son.

2 Reeaghyn 9:1

As deïe Elisha er fer jeh cloan ny phadeyryn, as dooyrt eh rish, Cryss seose dty gharmad mysh dty veeghyn, as gow yn box shoh dy ooil ayns dty laue, as immee gys Ramoth-gilead.

Isaiah 8:18

Cur-my-ner, ta mish, as my chloan ta’n Chiarn er chur dou, son cowraghyn as yindyssyn ayns Israel: veih Chiarn ny flaunyssee, ta cummal ayns cronk Sion.

Amos 7:14

Eisht dreggyr Amos, as dooyrt eh rish Amaziah, Cha nee phadeyr va mish, chamoo va mee mac phadeyr: agh va mee my vochilley, as beaghey er figgyn feïe yn sycamore.

Jannoo 22:3

Ta mish dy firrinagh my ghooinney ta my Hew, ruggyr ayns Tarsus, ard-valley ayns Cilicia, agh va mee troggit ayns yn ard-valley shoh, ec cassyn Ghamaliel, as ynsit lurg aght s’ynrick leigh nyn shenn-ayryn, ayns graih jeean gys Jee, myr t’euish ooilley jiu.

Deuteronomy 33:3

V’eh graihagh er e phobble; ta ooilley e nooghyn ayns dty laue: as hoie ad sheese ec dty chassyn; nee ad ooilley goaill-rish dty ghoan.

1 Samuel 10:5

Lurg shen, hig oo gys cronk Yee, raad ta garrison ec ny Philistinee: as hig eh gy-kione tra t’ou er roshtyn choud shen gys yn ard-valley, dy jig dty whail sheshaght d’adeyryn, cheet neose veih’n ard-ynnyd, lesh psalteree, as drum, as feddan, as claasagh, rhymboo, goaill arraneyn-moyllee.

1 Samuel 19:20

As hug Saul chaghteryn dy ghoaill David: as tra honnick ad y cheshaght dy adeyryn phadeyrys, as Samuel ny hassoo myr mainshtyr harrystoo, haink Spyrryd Yee er chaghteryn Saul, as ren adsyn phadeyrys myrgeddin.