2 Reeaghyn 17:9 - Yn Vible Casherick 1775 1819

⁹ As ren cloan Israel dy follit shen nagh row jeeragh noi’n Chiarn y Jee oc, as hrog ad ard-ynnydyn ayns ooilley nyn maljyn, veih toor yn arreyder, gys yn ard-valley fencit.

2 Reeaghyn 17:9 ပူးပေါင်းရင်းမြစ်များ

2 Reeaghyn 18:8

Woaill eh ny Philistinee, eer gys Gaza, as ny ardjyn echey, veih toor yn arreyder gys yn ard-valley fencit.

Lioar Yob 31:27

As my chree er ve cleaynit cheu-sthie jee’m, ny my veeal er phaagey my laue:

Psalmyn 78:58

Agh hyndaa ad nyn gooyl, as huitt ad ersooyl goll-rish ny shenn-ayraghyn oc: lheim ry-lhiattee myr bow brisht.

Isaiah 29:15

Smerg dauesyn ta shirrey dy dowin dy cheiltyn y choyrle oc veih’n Chiarn, as ta ny obbraghyn oc jeant ’sy dorraghys, as t’ad gra, Quoi ta fakin shin? as quoi ta coyrt enney orrin?

Ezekiel 20:28

Son tra hug mee lhiam ad stiagh ’sy cheer, er y hon ren mee breearrey, dy chur daue eh, eisht honnick ad dy chooilley chronk ard, as ooilley ny biljyn choo, as heb ad ayns shen nyn ourallyn, as ayns shen heb ad brasnaghey nyn jebballyn: ayns shen myrgeddin hoie ad magh nyn oural-arran, as gheayrt ad magh ayns shen nyn ourallyn-feeyney.

Ezekiel 8:12

Eisht dooyrt eh rhym, Vac y dooinney, vel oo er vakin shen ny ta shanstyr thie Israel dy yannoo ’sy dorraghys, dagh dooinney ayns shamyryn nyn yallooyn hene? son t’ad gra, Cha vel y Chiarn fakin shin, ta’n Chiarn er hreigeil y cheer.

Hosea 12:11

Vel an-chiartys ayns Gilead? t’ad son shickyrys fardalys, t’ad ouralley dew ayns Gilgal; dy jarroo ta ny altaryn oc myr carnaneyn fud creaghyn y vagheragh.

Deuteronomy 13:6

My nee dty vraar mac dty vayrey, ny dty vac, ny dty inneen, ny ben dty oghrish, ny dty charrey, ta myr dty annym hene, miolaghey oo dy follit, gra, Lhig dooin goll, as shirveish jeeghyn joarree (nagh row enney edyr ayd hene, ny ec dty ayraghyn orroo)

Deuteronomy 27:15

Cursit ta’n dooinney, ta jannoo jalloo erbee grainnit ny roit, ny red feohdoil da’n Chiarn, jeant liorish laueyn yn obbree, dy choyrt eh ayns ynnyd follit: as nee ooilley’n pobble gansoor, as gra, Amen.

Deuteronomy 29:25

As yiow ad ansoor, Te, son dy vel ad er hreigeil conaant Chiarn Jee nyn ayraghyn, ren eh roo, tra hug eh lesh ad magh ass cheer Egypt.