2 Reeaghyn 14:3 - Yn Vible Casherick 1775 1819

³ As ren eh shen ny va cairagh ayns shilley’n Chiarn, ny-yeih, cha nee myr David e ayr: deiyr eh ayns dy chooilley nhee er cliaghtaghyn Joash e ayr.

2 Reeaghyn 14:3 ပူးပေါင်းရင်းမြစ်များ

1 Reeaghyn 11:4

Son haink eh gy-kione, tra va Solomon shenn, dy violee e vraane eh dy eiyrt er jeeghyn elley: as cha row e chree ynrick gys y Chiarn e Yee, myr va cree Ghavid e ayr.

1 Reeaghyn 15:11

As ren Asa shen ny va cairagh ayns shilley’n Chiarn, myr ren David e ayr.

1 Reeaghyn 15:3

As deiyr eh er ooilley peccaghyn e ayrey: as cha row e chree firrinagh gys y Chiarn e Yee, myr va cree Ghavid e ayr.

1 Reeaghyn 3:3

As hug Solomon graih da’n Chiarn, as huill eh ayns slattyssyn Ghavid e ayr: magh voish dy ren eh chebbal as lostey oural-incense er ny ard-ynnydyn.

2 Reeaghyn 12:2

As ren Jehoash shen ny va cairagh ayns shilley’n Chiarn ooilley e laghyn, myr va Jehoiada yn saggyrt er chur roish.

2 Reeaghyn 14:2

V’eh queig bleeaney as feed dy eash tra ghow eh toshiaght dy reill, as reill eh nuy bleeaney as feed ayns Jerusalem: ennym e voir va Jehoaddan jeh Jerusalem.

2 Reeaghyn 14:4

Ny-yeih, cha row ny ard-ynnydyn treigit: ren y pobble foast chebbal oural as lostey incense er ny ynnydyn ardey.

2 Reeaghyn 18:3

As ren eh shen na va jeeragh ayns shilley yn Chiarn, cordail rish ooilley ny ren David e ayr.

2 Reeaghyn 22:2

As ren eh shen ny va cairagh ayns shilley yn Chiarn, as jimmee eh ayns slane raad Ghavid e ayr, as cha hyndaa eh dy lhiattee gys y laue yesh ny gys y laue chiare.

2 Recortyssyn 24:17

Nish lurg baase Yehoiada, haink princeyn Yudah, as ren ad nyn miallys da’n ree: as v’eh cleaynit dy eaishtagh roo.

2 Recortyssyn 24:2

As ren Joash shen ny va cairagh ayns shilley’n Chiarn, ooilley laghyn Jehoiada yn saggyrt.

Jeremiah 16:19

O Hiarn my niart, as my chashtal lajer, as my chemmyrk ’sy laa dy heaghyn, hig ny ashoonee hood’s veih ardjyn sodjey magh yn ooir, as jir ad, Son shickyrys va eiraght nyn ayraghyn ayns breagyn, fardalys, as reddyn gyn ymmyd.

1 Peddyr 1:18

Son wheesh as dy vel fys eu nagh row shiu er nyn gionnaghey lesh reddyn ta goll mow, myr argid as airh, veih ny cliaghtaghyn fardalagh v’er nyn livrey diu veih nyn ayraghyn;