2 Reeaghyn 10:3 - Yn Vible Casherick 1775 1819

³ Reih-jee magh yn fer share as ’stoamey jeh mec nyn mainshtyr, as soie-jee eh er stoyl-reeoil e ayrey, as jean-jee caggey son thie nyn mainshtyr.

2 Reeaghyn 10:3 ပူးပေါင်းရင်းမြစ်များ

2 Reeaghyn 10:2

Nish cha leah’s hig y screeuyn shoh hiuish, fakin dy vel mec nyn mainshtyr mêriu, as dy vel eu fainee as cabbil, as myrgeddin ard-valley fencit, as greïnyn-caggee,

2 Reeaghyn 10:4

As v’ad erskyn-towse agglagh, as dooyrt ad, Cur-my-ner, cha hass daa ree roish; kys eisht hassys shinyn?

Noo Ean 18:36

Dreggyr Yeesey, Cha vel my reeriaght’s jeh’n theihll shoh: dy beagh my reeriaght jeh’n theihll shoh, eisht veagh my harvaantyn er chaggey, nagh beign er my livrey gys ny Hewnyn, agh nish cha nee veih shoh ta my reeriaght.

1 Samuel 10:24

As dooyrt Samuel rish ooilley’n pobble, Cur-jee my-ner yn dooinney ta’n Chiarn er reih, nagh vel e lheid mastey ooilley’n pobble: As deïe ooilley’n pobble, as dooyrt ad, Dy bannee Jee yn ree.

1 Samuel 11:15

As hie ooilley’n pobble gys Gilgal, as ayns shen ren ad Saul ny ree fenish y Chiarn ayns Gilgal: as ayns shen heb ad ourallyn-shee kiongoyrt rish y Chiarn: as ayns shen va ard-voggey er Saul as ooilley deiney Israel.