2 Reeaghyn 1:3 - Yn Vible Casherick 1775 1819

³ As dooyrt ainle y Chiarn rish Elijah yn Tishbite, Trog ort, as gow sheese quail chaghteryn ree Samaria, as abbyr roo, Nee son nagh vel Jee ayns Israel, dy vel shiuish goll dy vriaght jeh Baal-zebub, jee Ekron?

2 Reeaghyn 1:3 ပူးပေါင်းရင်းမြစ်များ

1 Reeaghyn 11:33

Er-yn-oyr dy vel ad er m’y hreigeil, as er chur ooashley da Ashtoreth, jee ny Zidonianee, Chemosh jee ny Moabiteyn, as Milcom jee cloan Ammon; as nagh vel ad er n’immeeaght ayns my raaidyn’s, dy yannoo shen ny ta cairagh ayns my hilley, as dy reayll my lattyssyn as my vriwnyssyn, myr ren David e ayr.

1 Reeaghyn 17:1

As dooyrt Elijah yn Tishbite, va jeh cummaltee Ghilead, rish Ahab, Myr ta’n Chiarn Jee Israel bio, eh ta mee dy hirveish, cha bee druight ny fliaghey ayn rish ny bleeantyn shoh, agh cordail rish my ghoo’s.

1 Reeaghyn 18:1

As haink eh gy-kione lurg ymmodee laghyn, dy daink goo’n Chiarn gys Elijah ’sy trass vleïn, gra, Immee as jeeagh oo-hene da Ahab; as ver-yms fliaghey er y thalloo.

1 Reeaghyn 18:36

As haink eh gy-kione, ec traa chebbal yn oural-fastyr, dy daink Elijah yn phadeyr er-gerrey, as dooyrt eh, Hiarn Yee Abraham, Isaac, as Israel, lhig da ve er ny hoilshaghey er y laa jiu, dy vel uss y Jee ayns Israel, as dy nee mish dty harvaant, as dy vel mee er n’yannoo ooilley ny reddyn shoh ec dty ghoo.

1 Reeaghyn 19:5

As myr v’eh ny lhie ny chadley fo billey-juniper, cur-my-ner, eisht ren ainle bentyn rish, as dooyrt eh, Irree as gow beaghey.

1 Reeaghyn 19:7

As haink ainle y Chiarn reesht y nah cheayrt, as venn eh rish, as dooyrt eh, Irree as ee; er-yn-oyr dy vel y jurnah erskyn dty niart.

1 Reeaghyn 21:17

As haink goo’n Chiarn gys Elijah yn Tishbite, gra,

2 Reeaghyn 1:2

As huitt Ahaziah sheese trooid uinniag veih ard shamyr e hie ayns Samaria, as v’eh broojit: as hug eh chaghteryn, as dooyrt eh roo, Immee-jee, as brie-jee jeh Baal-zebub jee Ekron, jean-yms coural jeh’n doghan shoh.

2 Reeaghyn 1:6

As dooyrt ad rish, Haink dooinney seose nyn guail, as dooyrt eh rooin, Reue-jee, chyndaa-jee reesht gys y ree hug shiu er y chaghteraght shoh, as abbyr-jee rish, Myr shoh ta’n Chiarn dy ghra, Nee son nagh vel Jee ayns Israel, dy vel uss er choyrt dy vriaght jeh Baal-zebub jee Ekron? shen-y-fa cha jig oo neose veih’n lhiabbee shen t’ou er gholl seose, agh yiow son shickyrys baase.

2 Reeaghyn 1:8

As dreggyr ad eh, V’eh ny ghooinney geyshteenagh, as cryss liare mysh e veeghyn. As dooyrt eh, Shen Elijah yn Tishbite.

2 Reeaghyn 5:15

As hyndaa eh gys y dooinney dy Yee, eshyn as ooilley e heshaght, as haink eh, as hass eh kiongoyrt rish: as dooyrt eh, Cur-my-ner, ta fys aym nish nagh vel Jee erbee ayns ooilley’n seihll agh ayns Israel: nish er-y-fa shen, ta mee guee ort, gow bannaght veih dty harvaant.

2 Reeaghyn 5:8

Aw ve myr shen, tra va Elisha yn dooinney dy Yee er chlashtyn dy row ree Israel er raipey e choamrey, dy dug eh fys gys ree Israel, gra, Cre’n-fa t’ou er raipey dty choamrey? lhig da nish cheet hym’s, as bee fys echey dy vel phadeyr ayns Israel.

Psalmyn 76:1

Ayns Judea ta enney er ny choyrt er Jee: ta’n ennym echey mooar ayns Israel.

Isaiah 8:19

As tra jir ad riu, Gow-jee coyrle jeusyn ta spyrrydyn faishnee oc, as jeh ny fir-obbee, ta meekeyragh as tassane; nagh lhisagh pobble briaght jeh nyn Yee? cha nee ny bioee jeh ny merriu?

Jonah 2:8

T’adsyn, ta cur geill da fardalyssyn breagagh, treigeil nyn myghin hene.

Noo Mark 3:22

As dooyrt ny scrudeyryn haink neose veih Jerusalem, Ta Beelzebub echey, as liorish prince ny drogh-spyrrydyn t’eh tilgey magh drogh-spyrrydyn.

Jannoo 8:26

As loayr ainle y Chiarn rish Philip, gra, Trog ort, as immee my-yiass, gys y raad goll sheese veih Jerusalem gys Gaza, trooid yn aasagh.

1 Samuel 17:46

Yn laa jiu nee’n Chiarn uss y livrey gys my laue; as neem’s oo y woalley, as goym dty chione jeed; as ver-ym kirp armee ny Philistinee yn laa jiu da eeanlee’n aer, as da beishtyn feïe y vagheragh; dy vod fys v’ec ooilley’n seihll dy vel Jee ayns Israel.