2 Peddyr 3:9 - Yn Vible Casherick 1775 1819

⁹ Cha vel y Chiarn moal mychione e ghialdynys, (myr ta paart dy gheiney coontey meillid) agh jeh surranse-foddey dooinyn, neu-wooiagh dy jinnagh unnane erbee cherraghtyn, agh dy darragh ooilley gys arrys.

Yn Conaant Noa 1810

⁹ Cha vel y Chiarn moal mychione e ghialdynys, (myr ta paart dy gheiney coontey meillid) agh jeh surranse‐foddey dooinyn, neu‐wooaiagh dy jinnagh unnane erbee cherraghtyn, agh dy darragh ooilley gys arrys.

2 Peddyr 3:9 ပူးပေါင်းရင်းမြစ်များ

Psalmyn 77:8

Vel e vyghin dy slane er n’immeeaght son dy bragh: as vel e yialdyn er jeet dy bollagh gys jerrey brâ?

Psalmyn 86:15

Agh t’ou uss, O Hiarn Yee, lane dy hymmey as dy vyghin: surranse-foddey, feoilt ayns mieys as firrinys.

Exodus 18:23

My nee oo myr shoh, as Jee dy dty harey myr shen, eisht bee oo abyl dy chummal rish, as hed ooilley’n pobble shoh gys nyn ynnyd hene ayns shee.

Exodus 32:32

Ny-yeih nish, my she dty aigney eh, leih daue nyn beccah; as mannagh jean oo, lhig dooys, ta mee guee ort, ve er my gholley ass dty lioar t’ou er scrieu.

Exodus 33:11

As loayr y Chiarn rish Moses eddin ry eddin, myr loayragh dooinney rish e heshey. As hyndaa eh gys y champ: agh cha jagh Joshua e hirveishagh, mac Nun, ny ghooinney aeg, magh ass y chabbane.

Exodus 34:6

As hie’n Chiarn shaghey kiongoyrt rish, as ren eh fockley magh, yn CHIARN, yn CHIARN JEE, myghinagh as graysoil, jeh surranse-foddey, as feoiltagh ayns mieys as ayns ynrickys,

Ecclesiastes 8:11

Er-yn-oyr nagh vel cooilleen chelleeragh er ny ghoaill er drogh-yannoo: Shen-y-fa ta cree cloan gheiney dy slane soit ayndoo dy yannoo olk.

Isaiah 30:18

As shen-y-fa nee’n Chiarn farkiaght dy ve graysoil diu, as shen-y-fa, bee eh er ny ghloyraghey, dy vod eh jannoo myghin erriu: son ta’n Chiarn ny Yee dy vriwnys: bannit t’adsyn ooilley ta farkiaght ersyn.

Isaiah 46:13

Ver-ym lhiam my ynrickys er-gerrey; cha bee eh foddey jeh, as cha jean my haualtys cumrail; as soie-yms saualtys ayns Zion cour Israel my ghloyr.

Ezekiel 33:11

Abbyr roo, Myr ta mee bio, ta’n Chiarn Jee dy ghra, cha vel veg y taitnys aym’s ayns baase ny mee-chrauee, agh dy jinnagh ny mee-chrauee chyndaa veih nyn raad, as ve bio: chyndaa-jee, chyndaa-jee veih nyn ghrogh raaidyn; son cre’n-fa ta shiu tayrn baase erriu hene, O hie Israel?

Daniel 4:29

Kione ny bleeaney v’eh shooyl ayns thie reeoil reeriaght Vabylon.

Habakkuk 2:3

Son ta’n ashlish foast son traa ry-heet, agh ec y jerrey nee eh loayrt, as cha nee ayns fardail: ga dy vel eh lhiggey shaghey, fark er, son hig eh son shickyrys, cha jean eh cumrail.

Romanee 13:11

As shen, liorish coyrt tastey da’n traa, dy vel eh nish ard traa dy ghoostey ass cadley: son nish ta nyn saualtys ny sniessey na ve tra ren shin hoshiaght credjal.

Romanee 13:12

Ta’n oie foddey ceaut, ta’n laa er-gerrey: lhig dooin er-y-fa shen tilgey ersooyl obbraghyn y dorraghys, as lhig dooin cur orrin eïlley yn toilshey.

Romanee 2:4

Ny vel oo soiaghey beg jeh berchys e vieys, as e veenid, as surranse-foddey, gyn toiggal dy vel mieys Yee dy dty leeideil gys arrys?

Romanee 9:22

Cre my ren Jee, va’n aigney echey dy hoilshaghey e yymmoose, as dy yannoo e phooar cronnal, gymmyrkey lesh lane surranse-foddey rish ny siyn dy chorree aarloo son toyrt-mow:

1 Timothy 1:16

Ny-yeih, er-yn-oyr shoh hooar mee myghin, aynym’s dy voddagh Yeesey Creest hoshiaght soilshaghey magh dy chooilley hurranse-foddey, son sampleyr dauesyn yinnagh ny lurg shoh credjal aynsyn gys bea dy bragh farraghtyn.

1 Timothy 2:4

Eh saillish dy chooilley ghooinney dy ve er nyn sauail, as dy heet gys tushtey jeh’n irriney.

Hebrewnee 10:37

Foast son tammylt beg, eshyn ta ry-hoi heet nee eh cheet, as cha lhig eh shaghey.

1 Peddyr 3:20

Va roish nish mee-viallagh, tra ren surranse-foddey Yee farkiagh ayns laghyn Noah, choud as va’n arg dy hroggal; aynjee va beggan-beg, ta shen, hoght anmeenyn, er nyn sauail liorish ushtey.

2 Peddyr 1:4

Lioroo t’er ny choyrt dooinyn gialdynyn erskyn-towse mooar as ooasle; lioroo shoh dy vod shiu ve goaill ayrn jeh’n dooghys flaunyssagh, myr ta shiu er haghney yn neu-ghlennid t’ayns y theihll trooid yeearreeyn ny foalley.

2 Peddyr 3:15

As smooinee-jee dy vel surranse-foddey nyn Jiarn saualtys; dy jarroo myr ta nyn mraar graihagh Paul myrgeddin, cordail rish y chreenaght er ny choyrt da, er scrieu hiu;

Ashlish 2:21

As hug mee traa jee dy ghoaill arrys jeh’n vaarderys eck, as cha ren ee arrys y ghoaill.