2 Peddyr 3:4 - Yn Vible Casherick 1775 1819

⁴ As gra, Cre vel gialdyn y cheet echey? son er-dyn traa huitt ny ayraghyn nyn gadley, ta dy chooilley nhee tannaghtyn myr v’ad er-dy hoshiaght y chroo.

Yn Conaant Noa 1810

⁴ As gra, Cre vel gialdyn y cheet echey? son er‐dyn traa huitt ny ayraghyn nyn gadley, ta dy chooilley nhee tannaghtyn myr v’ad er‐dy hoshiaght y chroo.

2 Peddyr 3:4 ပူးပေါင်းရင်းမြစ်များ

Genesis 19:14

As hie Lot magh, as loayr eh rish e vec-’sy-leigh, va er phoosey e inneenyn, as dooyrt eh, Trog-jee erriu, cosne-jee ass yn ynnyd shoh, son nee yn Chiarn yn ard-valley shoh y stroie: agh yeeagh e vec-’sy-leigh er, myr fer va jannoo craid.

Ecclesiastes 1:9

Shen ta er ve bee eh reesht, as shen ta nish dy yannoo, vees jeant ’sy traa ry-heet: as cha vel nhee erbee noa fo’n ghrian.

Ecclesiastes 8:11

Er-yn-oyr nagh vel cooilleen chelleeragh er ny ghoaill er drogh-yannoo: Shen-y-fa ta cree cloan gheiney dy slane soit ayndoo dy yannoo olk.

Jeremiah 17:15

Cur-my-ner, t’ad gra rhym, Cre vel goo yn Chiarn? lhig da cheet nish.

Ezekiel 11:3

Ta gra, Cha vel eh er-gerrey, lhig dooin thieyn y hroggal: ta’n ard-valley shoh yn choirrey, as shinyn yn eill.

Malachi 2:17

Ta shiu er n’yannoo skee jeh’n Chiarn, lesh ny goan eu: foast ta shiu gra, Cre ayn ta shin er n’yannoo skee jeh? Tra ta shiu gra, Dy vel dy chooilley unnane ta cur-rish olk, mie ayns shilley yn Chiarn, as dy vel taitnys echey ayndoo; er aght elley, Cre vel yn Jee dy vriwnys?

Noo Mian 16:27

Son hig Mac y dooinney ayns gloyr e Ayrey, as e ainleyn casherick mârish: as ec y traa shen cooilleenee eh da dy chooilley ghooinney cordail rish e obbraghyn.

Noo Mian 16:28

Dy firrinagh ta mee gra riu, Dy vel paart nyn shassoo ayns shoh, nagh jean blashtyn er y baase, derrey hee ad Mac y dooinney cheet ayns e reeriaght.

Noo Mian 24:28

Son cre-erbee yn raad vees yn convayrt, shen y raad bee ny urlee er nyn jaglym cooidjagh.

Noo Mian 24:48

Agh my jir y drogh harvaant shen ayns e chree, Ta my Hiarn lhiggey shaghey yn cheet echey,

Noo Mark 10:6

Agh er-dy hoshiaght y theihll, chroo Jee ad fyrrynagh as bwoirrynagh.

Noo Mark 13:19

Son bee seaghyn ayns ny laghyn shen, lheid as nagh row er-dy hoshiaght y theihll ta Jee er chroo, gys yn earish shen, as lheid as nagh bee arragh dy bragh.

Noo Luke 12:45

Agh my jir y charvaant shen ayns e chree, Ta my hiarn lhiggey shaghey dy heet; as goaill er dy woalley ny fir-vooinjerey, as ny inneenyn, as dy ee, as dy iu, as dy ve er-meshtey.

Jannoo 7:60

As ghlioon eh sheese, as deïe eh lesh ard-choraa, Hiarn, ny cur y peccah shoh ass nyn lieh. As tra v’eh er ghra shoh huitt eh ny chadley.

1 Thessalonianee 2:19

Son cre ta nyn dreishteil, ny nyn moggey, ny nyn attey dy ghennallys? nagh nee dy jarroo shiuish kionfenish nyn Jiarn Yeesey Creest, ec y cheet echey?

2 Peddyr 3:12

Farkiagh son, as kiartaghey shiu hene ry-hoi cheet laa Yee, tra vees yn aer er ny stroie lesh aile, as stoo yn theihll lheïe lesh chiass aileagh.

Ashlish 3:14

As gys ainle agglish ny Laodiceanee, scrieu, Ny reddyn shoh ta’n Amen dy ghra, yn feanish ynrick as firrinagh, toshiaght chroo Yee;