2 Peddyr 2:8 - Yn Vible Casherick 1775 1819

⁸ (Son y dooinney cairagh shen baghey ny-vud oc, liorish fakin as clashtyn, va’n annym ynrick echey er ny heaghney veih laa dy laa lesh nyn obbraghyn neu-ghooghyssagh.)

Yn Conaant Noa 1810

⁸ (Son y dooinney cairagh shen beaghey ny vud oc, liorish fakin as clashtyn, va’n annym ynrick echey er ny heaghney veih laa dy laa lesh nyn obbraghyn neu‐ghooghyssagh.)

2 Peddyr 2:8 ပူးပေါင်းရင်းမြစ်များ

Genesis 13:13

Agh va deiney Sodom feer vee-chrauee, as erskyn-towse peccoil, kiongoyrt rish y Chiarn.

Psalmyn 119:136

Ta my hooillyn shilley lesh jeïr: er-yn-oyr nagh vel deiney freayll dty leigh.

Psalmyn 119:139

Ta my ghraih’s jeean er my choyrt eer naardey: son dy vel my noidyn er yarrood dty ghoan.

Psalmyn 119:158

Te trimshey dou dy akin ny drogh-yantee: son nagh vel ad freayll dty leigh.

Raaghyn Creeney 25:26

Son dooinney cairagh dy huittym roish ny mee-chrauee, t’eh myr farrane ta seiyt, as chibbyr brisht.

Raaghyn Creeney 28:12

Tra ta deiney ynrick ayns pooar, te ard-vaynrys: agh tra ta ny mee-chrauee troggal, ta dooinney mie goll dy lhiattee.

Ezekiel 9:4

As dooyrt y Chiarn rishyn, Immee trooid mean yn ard-valley, trooid mean Yerusalem, as soie cowrey er glaare eddin ny deiney shen, ta gosnaghey, as gaccan son ooilley ny obbraghyn dwoaiagh t’er ny yannoo cheu-sthie j’ee.

Ezekiel 9:6

Stroie-jee dy bollagh shenn as aeg, chammah moidynyn as cloan veggey, as mraane: agh ny tar-jee coair dooinney erbee ta cowrit; as gow-jee toshiaght ec my ynnyd casherick: eisht, ghow ad toshiaght rish y chenndeeaght va kiongoyrt rish y thie.

1 Timothy 1:9

Toiggal shoh, nagh vel y leigh jeant cour y dooinney ynrick, agh cour ny mee-reiltee as ny mee-viallee, cour ny mee-chrauee as peccee, cour deiney olk as neu-chasherick, cour nyn lheid ta coyrt nyn ayraghyn as moiraghyn dy baase, cour dunveryn,

Hebrewnee 11:4

Liorish credjue ren Abel chebbal gys Jee oural s’ooasle na Cain, liorish hooar eh feanish, dy row eh cairagh, Jee soiaghey jeh e ghiootyn: as liorish shoh ga dy vel eh marroo, t’eh foast loayrt.

Jamys 5:16

Gow-jee rish nyn voiljyn yn derrey yeh da’n jeh elley, as gow-jee padjer yn derrey yeh son y jeh elley, dy vod shiu v’er nyn lheihys: S’mooar y bree t’ayns padjer jeean creeoil yn dooinney crauee.