2 Peddyr 2:7 - Yn Vible Casherick 1775 1819

⁷ As livrey eh Lot yn dooinney cairagh, seaghnit lesh ymmyrkey-bea feohdagh ny mee-chrauee:

Yn Conaant Noa 1810

⁷ As livrey eh Lot yn dooinney cairagh, seaghnit lesh ymmyrkey‐bea feohdagh ny mee‐chrauee:

2 Peddyr 2:7 ပူးပေါင်းရင်းမြစ်များ

Genesis 13:13

Agh va deiney Sodom feer vee-chrauee, as erskyn-towse peccoil, kiongoyrt rish y Chiarn.

Genesis 19:16

As choud as v’eh cumrail, haare ny ainleyn greme er e laue, as er laue e ven, as e ghaa inneen; as myr va’n Chiarn myghinagh da, hug ad lhieu magh eh, as hoie ad eh cheu-mooie jeh’n ard-valley.

Genesis 19:22

Jean siyr, cosne royd gys shen, son cha voddym’s nhee erbee y yannoo, derrey t’ou er roshtyn huggey. Shen-y-fa va’n ard-valley shen enmyssit Zoar.

Genesis 19:29

As haink eh gy-kione, lurg da Jee v’er stroie ard-valjyn yn cheer rea, dy chooinee Jee er Abraham, as hug eh Lot magh ass mean y traartys, tra stroie eh ny ard-valjyn raad va Lot cummal.

Genesis 19:5

As deïe ad da Lot, as dooyrt ad rish, Cre vel ny deiney haink stiagh hood’s noght? cur ad magh hooinyn, dy vod mayd enney ’choyrt orroo.

Psalmyn 120:5

Ta m’annym’s er chummal foddey ny-vud ocsyn: ta nyn noidyn da shee.

Jeremiah 23:9

Ta my chree brisht cheu-sthie jee’m kyndagh rish ny phadeyryn foalsey; ta ooilley my chraueyn er-creau: ta mee myr dooinney er-meshtey, as myr dooinney ta feeyn er ghoaill niart er, ayns my ghraih jeean gys y Chiarn, as gys goan e chasherickys.

1 Corinthianee 10:13

Cha vel miolagh erbee er jeet nyn raad, agh lheid as ta cadjin da dooinney: agh ta Jee firrinagh, nagh lhig diuish dy ve er nyn miolaghey erskyn ny oddys shiu y ymmyrkey; agh nee eh myrgeddin lesh y violagh raad y yannoo dy scapail, dy vod niart y ve ayndiu dy ymmyrkey eh.

2 Peddyr 2:18

Son tra t’ad fockley magh goan mooarey follym, sheidit seose lesh fardail, t’ad cleayney trooid sayntyn ny foalley, liorish mooarane rouanys, adsyn va dy glen er scapail vouesyn ta baghey ayns shaghrynys:

2 Peddyr 2:2

As eiyree ymmodee da ny raaidyn mollaghtagh oc, kyndagh roosyn bee raad yn irriney er ny oltooaney.

2 Peddyr 3:17

Fakin er-y-fa shen, chaarjyn, dy vel fys eu er ny reddyn shoh ro-laue, cur-jee twoaie nagh jean shiuish myrgeddin, cleaynit lesh shaghrynys ny mee-chrauee, tuittym ersooyl veih’n shickyrys eu ’sy chredjue.

Jude 1:4

Son ta shiartanse dy gheiney dy steetagh er hayrtyn stiagh, nyn gour va’n vriwnys shoh roïe er ny oardaghey; deiney mee-chrauee, chyndaa grayse yn Jee ain gys rouanys, as gobbal yn ynrycan Chiarn Jee, as nyn Jiarn Yeesey Creest.