2 Peddyr 2:4 - Yn Vible Casherick 1775 1819

⁴ Son mannagh ren Jee sparail ny ainleyn ren peccah, agh hilg eh ad sheese gys niurin, as livrey eh ad gys geulaghyn dy ghorraghys, dy ve freilt cour briwnys;

Yn Conaant Noa 1810

⁴ Son mannagh ren Jee sparail ny ainleyn ren peccah, agh hilg eh ad sheese gys niurin, as livrey eh ad gys geulaghyn dy ghorraghys, dy ve freilt cour briwnys;

2 Peddyr 2:4 ပူးပေါင်းရင်းမြစ်များ

Lioar Yob 21:30

Dy vel ny mee-chrauee er ny reayll gys laa ny briwnys? bee ad er ny chur lhieu magh ayns laa’n jymmoose.

Lioar Yob 4:18

Cur-my-ner, cha dug eh veg y varrant ayns e hirveishee; as eer ayns ny ainleyn hug eh my-ner fardalys:

Psalmyn 78:50

Hilg eh eulys e chorree orroo, farg, jymmoose, as seaghyn: as hug eh magh drogh ainleyn ny-vud oc.

Isaiah 14:12

Kys t’ou er duittym veih niau, O Lucifer, mac y vadran! kys t’ou uss giarit sheese gys y thalloo, uss ren craa ny ashoonyn!

Ezekiel 5:11

Shen-y-fa, myr ta mee bio, ta’n Chiarn Jee dy ghra, Son shickyrys, er-yn-oyr dy vel oo er an-chasherickey my hiamble lesh ooilley dty chliaghtaghyn dwoaiagh, as lesh ooilley dty obbraghyn eajee; shen-y-fa neem’s uss myrgeddin y leodaghey, chamoo nee my hooill lhiggey lhiat, chamoo goym chymmey jeed.

Ezekiel 7:4

As cha jean my hooill lhiggey lhiat, chamoo vees chymmey aym ort, agh neem’s dty raaidyn y chooilleeney ort, as bee dty pheccaghyn eajee cheu-sthie jeed, as bee fys eu dy nee mish y Chiarn.

Ezekiel 7:9

As cha jean my hooill lhiggey lhiat, chamoo vees chymmey aym ort; cooilleen-yms oo cordail rish dty raaidyn, as ny peccaghyn eajee ta cheu-sthie jeed, as bee fys eu, dy nee mish y Chiarn ta dy woalley shiu.

Noo Mian 25:41

Eisht jir eh roosyn myrgeddin er y laue chiare, Immee-jee voym, chloan chustey gys yn aile dy bragh farraghtyn, kiarit son y drogh-spyrryd as e ainleyn.

Noo Mian 8:29

As cur-my-ner deïe ad, gra, Cre’n eïe t’ayd orrin, Yeesey Vac Yee? vel oo er jeet dy nyn dorchaghey roish y traa?

Noo Mark 5:7

As deïe eh lesh ard-choraa, as dooyrt eh, Cre’n eïe t’ayd orrym, Yeesey, Vac yn Jee smoo ard? ta mee guee ort, ayns ennym Yee, gyn oo dy my horchaghey.

Noo Luke 10:18

As dooyrt eh roo, Honnick mee Noid-ny-hanmey, myr tendreil, tuittym veih niau.

Noo Luke 8:31

As ghuee ad er gyn eh dy oardaghey daue goll sheese gys y diunid.

Noo Ean 8:44

Ta shiuish jeh’n ayr eu yn drogh-spyrryd, as saynt nyn ayrey ver shiu rish: v’eshyn ny ghunver er-dyn toshiaght, as cha ren eh tannaghtyn ’syn ynrickys, son nagh vel yn irriney ayn. Tra t’eh loayrt breg, t’eh loayrt jeh e chooid hene: son t’eh ny vreagerey, as ayr ny breagey.

Romanee 11:21

Son mannagh ren Jee sparail ny banglaneyn dooghyssagh, bee er dty hwoaie er-aggle myrgeddin nagh lhig eh lhiat’s.

Romanee 8:32

Eshyn nagh ren e Vac hene y haghney, agh livrey eh eh seose er nyn son ooilley, kys nagh der eshyn dooin myrgeddin dy arryltagh mârishyn dy chooilley nhee?

Deuteronomy 29:20

Cha lhig y Chiarn lesh, agh nee corree’n Chiarn, as e eadolys eisht lossey noi’n dooinney shen, as nee ooilley ny mollaghtyn, ta scruit ’sy lioar shoh, lhie er, as nee’n Chiarn e ennym y gholley ass veih fo niau.

2 Peddyr 2:11

Tra nagh vel ny ainleyn ta ny syrjey ayns pooar as niart, cur stiagh plaiynt oltooanagh nyn ’oï oc kiongoyrt rish y Chiarn.

2 Peddyr 2:5

As nagh ren sparail y chenn seihll, agh haue eh Noah yn hoghtoo phersoon, preachoor dy chairys, coyrt lesh y thooilley er y seihll dy vee-chrauee;

2 Peddyr 2:9

Ec y Chiarn ta fys kys dy livrey yn sleih crauee ass seaghyn, as dy reayll ny mee-chrauee gys laa ny briwnys dy ve er nyn gerraghey:

1 Ean 3:8

Eshyn ta jannoo peccah, t’eh jeh’n drogh-spyrryd; son ta’n drogh-spyrryd kyndagh jeh peccah er-dyn toshiaght. Son yn oyr shoh va Mac Yee er ny hoilshaghey, dy voddagh eh cur mow obbraghyn y drogh-spyrryd.

Jude 1:13

Tonnyn freanagh yn aarkey, keshal magh yn nearey oc hene; rollageyn rouail, daue ta kiarit yn dooid dy ghorraghys son dy bragh.

Jude 1:6

As ny ainleyn nagh dreill yn chied stayd oc hene, agh daag nyn gummallyn cooie, t’eh er vreayll ayns geulaghyn dy bragh farraghtyn fo dorraghys cour briwnys yn laa mooar.

Ashlish 20:10

As va’n jouyl ren ad y volley, er ny hilgey ayns y logh dy aile as brimstone, raad ta’n veisht as y phadeyr foalsey, as bee ad er nyn dorchaghey oie as laa son dy bragh as dy bragh.