2 Peddyr 2:3 - Yn Vible Casherick 1775 1819

³ As trooid saynt nee ad lesh goan cluicagh jannoo merchantys jiu: yn kerraghey oc cha vel nish foddey jeh, as cha vel y deyrey oc saveenagh.

Yn Conaant Noa 1810

³ As trooid saynt nee ad lesh goan cluicagh jannoo merchantys jiu: yn kerraghey oc cha vel nish foddey jeh, as cha vel y deyrey oc saveenagh.

2 Peddyr 2:3 ပူးပေါင်းရင်းမြစ်များ

Lioar Yob 6:27

Dy feer, ta shiu tuittym dy trome ersyn ta seaghnit, as ta shiu cleiy ooig son nyn garrey.

Psalmyn 18:44

Pobble nagh nhione dooys: nee m’y hirveish.

Psalmyn 66:3

Son nee ooilley yn seihll ooashley ’chur dhyt: goaill arrane jeed, as moylley dt’Ennym.

Psalmyn 81:15

Veign dy leah er choyrt sheese ny noidyn oc: as er hyndaa my laue noi ny tranlaasee oc.

Isaiah 5:19

Ta gra, Lhig da siyr y yannoo, as ve tarroogh mysh e obbyr, dy vod mayd baght ’ghoaill jeh: as lhig da coyrle Fer-casherick Israel tayrn er-gerrey as cheet, dy vod mayd cur-my-ner eh!

Isaiah 56:11

Dy jarroo t’ad nyn moddee yollyssagh nagh vel dy bragh dy liooar oc; as t’ad nyn mochillyn gyn tushtey: t’ad ooilley geiyrt er nyn raaidyn hene, dagh unnane lurg e chosney hene veih dy chooilley ard.

Isaiah 60:22

Hig yn fer fardalagh dy ve thousane, as yn fer faase dy ve ny ashoon niartal: neem’s yn Chiarn, shoh y chooilleeney dy leah ’syn imbagh cooie.

Jeremiah 6:13

Son veih’n fer sloo eer gys y fer smoo jeu, ta dy chooilley unnane sondagh er cosney; as veih’n phadeyr eer gys y taggyrt, ta dy chooilley er dellal dy molteyragh.

Jeremiah 8:10

Shen-y-fa ver-yms ny mraane oc da feallagh elley, as ny magheryn oc da eiraghyn joarree: son ta dy chooilley unnane, veih’n er sloo gys yn er smoo, sondagh er cosney; veih’n phadeyr eer gys y taggyrt, ta dy chooilley unnane dellal dy foalsey.

Ezekiel 13:19

As der shiu orrym’s dy ve beg soit jee’m mastey my phobble son basslagh dy oarn, as son greme dy veer, dy stroie ny anmeenyn nagh lhisagh baase y gheddyn, as dy hauail bio ny anmeenyn nagh lhisagh ve bio, liorish nyn mreagyn gys my phobble, ta geaishtagh rish ny breagyn eu?

Micah 3:11

Ta ny briwnyn eck briwnys son leagh, as ny saggyrtyn eck gynsagh son faill, as ny phadeyryn eck phadeyrys son argid: ny-yeih t’ad goaill orroo dy ve ass lieh yn Chiarn, as gra, Nagh vel y Chiarn ny mast’ ain? cha jig olk erbee orrin.

Habakkuk 3:3

Haink Jee veih Teman, as yn er-casherick veih slieau Pharan. Selah. Ren y ghloyr echey coodaghey ny niaughyn, as va’n seihll lane jeh e voylley.

Malachi 1:10

Quoi ny-vud eu, yinnagh eer jeigh ny dorryssyn nastee? chamoo ta shiu foaddey aile er my altar nastee. Cha vel taitnys erbee aym ayndiu, ta Chiarn ny flaunyssee dy ghra, chamoo nee’m soiaghey jeh oural veih nyn laue.

Noo Mian 23:14

Smerg diu scrudeyryn as Phariseeyn, chrauee-oalsey; son ta shiu cleiy fo thieyn mraane-treoghe, as son scaa dy chraueeaght lhiggey erriu dy ve kinjagh ayns padjer: shen-y-fa ta kerraghey s’trimmey nyn gour.

Noo Luke 18:8

Ta mee ginsh diu dy jean eh dy tappee goaill cooilleeney er nyn son. Ny-yeih tra hig Mac y dooinney, vow eh credjue er y thalloo?

Noo Luke 20:20

As va sooill oc er, as hug ad magh peeikearyn va dy lhiggey orroo dy ve deiney cairagh, er-chee tayrtyn eh ayns e ghlare, as myr shen dy livrey eh gys pooar as reill y chiannoort.

Noo Luke 22:47

As choud as v’eh foast loayrt, cur-my-ner, haink sheshaght vooar, as eshyn va enmyssit Yuaase, fer jeh’n daa ostyl yeig, nyn leeideilagh, as hayrn eh er-gerrey da Yeesey dy chur paag da.

Noo Ean 2:16

As dooyrt eh roosyn va creck calmaneyn, Ersooyl-jee lesh ny reddyn shoh, ny jean-jee thie my Ayrey ny hie margee.

Romanee 16:18

Son cha vel nyn lheid shirveish nyn Jiarn Yeesey Creest, agh nyn molg hene; as liorish goan aalin as glare vrynneragh t’ad molley creeaghyn yn vooinjer ôney.

2 Corinthianee 2:17

Son cha vel shin myr ymmodee, ta soiaghey magh goo Yee dy molteyragh: agh myr jeh’n ynrickys agh myr jeh Jee, ayns shilley Yee ta shin loayrt ayns Creest.

Deuteronomy 24:17

Cha jean oo cassey briwnys y joarree ny’n lhiannoo gyn ayr, chamoo nee oo garmad ben-treoghe y ghoaill son gioal.

Deuteronomy 32:35

Dooys ta bentyn kerraghey, as cooilleeney, nee’n chass oc skyrrey ayns traa cooie: son ta laa nyn dreihys er-gerrey, as ta ny reddyn hig orroo cheet dy tappee.

1 Thessalonianee 2:5

Son chamoo ren shin ec traa erbee ymmyd jeh goan brynnagh, myr ta fys eu hene er, ny coodagh erbee dy haynt: Jee ta feanish.

1 Thessalonianee 5:3

Son tra jir ad, Shee as sauchys; eisht hig toyrt-mow orroo doaltattym, myr ta pian cheet er ben tra t’ee er-troailt; as cha jean ad scapail.

1 Timothy 3:3

Cha nee iuder-feeyney, ny builltagh, ny sondagh er cosney scammyltagh, agh surransagh, cha nee fer streeuagh, ny sayntoilagh;

1 Timothy 3:8

Myrgeddin shegin da ny shirveishee ve soccaragh, cha nee chengey lhiam as lhiat, nagh bee ad neu-heelt ayns feeyn, gyn ve sondagh er cosney scammyltagh,

1 Timothy 6:5

Pleadeilyn camlaagagh deiney dy aignaghyn neu-ghlen, as follym jeh’n irriney, jeeaghyn er cosney dy ve craueeaght: veih nyn lheid jean oo hene y scarrey.

Titus 1:11

Ny beïll oc shegin y yeigh, ta cur slane lughtyn-thie fo-my-cheilley, gynsaghey reddyn nagh lhisagh ad er graih drogh chosney.

Titus 1:7

Son shegin da aspick ve gyn foill, myr stiurt Yee; cha nee mooaralagh, ny leah fargagh, cha nee cur rish feeyn, ny builltagh, ny soit er cosney scammyltagh;

1 Peddyr 2:8

As clagh son snapperal, as creg son tuittym er, dy jarroo dauesyn ta snapperal ec y goo, myr t’ad mee-viallagh, gys shen v’ad myrgeddin er nyn bointeil.

1 Peddyr 5:2

Cur-jee beaghey da shioltane Yee ta ny mast’ eu, goaill y currym harrystoo, cha nee myr êginit, agh dy aggindagh; cha nee er coontey cosney naareydagh, agh jeh aigney arryltagh;

2 Peddyr 1:16

Son cha vel shin er n’eiyrt da skeeallyn troggit dy croutagh, tra ren shin soilshaghey diu pooar as cheet nyn Jiarn Yeesey Creest, agh va shin feanishyn sooilley jeh e ard-ooashley.

2 Peddyr 2:1

Agh va myrgeddin phadeyryn foalsey mastey’n pobble, eer myr vees fir-ynsee foalsey ny mast’ euish, ver lhieu stiagh dy follit shaghrynys custey veih’n chredjue, dy jarroo gobbal yn Chiarn ren ad y chionnaghey, as tayrn orroo hene toyrt-mow er mullagh ching.

2 Peddyr 2:9

Ec y Chiarn ta fys kys dy livrey yn sleih crauee ass seaghyn, as dy reayll ny mee-chrauee gys laa ny briwnys dy ve er nyn gerraghey:

Jude 1:11

Smerg daue; son t’ad er n’immeeaght ayns raad Cain, as er roie dy jeean lurg shaghrynys Balaam son faill, as er jerraghtyn ayns irree-magh Core.

Jude 1:15

Dy chooilleeney briwnys orroo ooilley, as dy gheyrey ooilley ny mee-chrauee ny-vud oc, son ooilley nyn obbraghyn mee-chrauee, t’ad dy mee-chrauee er n’yannoo, as son ooilley ny goan lunagh ta peccee mee-chrauee er loayrt n’oï.

Jude 1:16

T’ad shoh sleih ta tallagh, plaiyntee gyn oyr, gimmeeaght lurg nyn yeearreeyn hene; as ta’n beeal oc loayrt focklyn mooarey dy ardail, brynneragh rish persoonyn deiney er graih cosney.

Jude 1:4

Son ta shiartanse dy gheiney dy steetagh er hayrtyn stiagh, nyn gour va’n vriwnys shoh roïe er ny oardaghey; deiney mee-chrauee, chyndaa grayse yn Jee ain gys rouanys, as gobbal yn ynrycan Chiarn Jee, as nyn Jiarn Yeesey Creest.

Jude 1:7

Dy jarroo myr ta Sodom as Gomorrha as ny ard-valjyn mygeayrt-y-moo, ren er yn aght cheddin ad-hene y choyrt seose gys maarderys, as geiyrt er feill neu-ghooghyssagh, er nyn soiaghey magh son sampleyr, surranse kerraghey dewil yn aile dy bragh farraghtyn.