2 Peddyr 2:1 - Yn Vible Casherick 1775 1819

¹ Agh va myrgeddin phadeyryn foalsey mastey’n pobble, eer myr vees fir-ynsee foalsey ny mast’ euish, ver lhieu stiagh dy follit shaghrynys custey veih’n chredjue, dy jarroo gobbal yn Chiarn ren ad y chionnaghey, as tayrn orroo hene toyrt-mow er mullagh ching.

Yn Conaant Noa 1810

¹ Agh va myrgeddin phadeyryn foalsey mastey’n pobble, eer myr vees fir‐ynsee foalsey ny mast’ euish, ver lhieu stiagh dy follit shaghrynys curstey veih’n chredjue, dy jarroo gobbal yn Chiarn ren ad y chionnaghey, as tayrn orroo hene toyrt‐mow er mullagh ching.

2 Peddyr 2:1 ပူးပေါင်းရင်းမြစ်များ

1 Reeaghyn 22:6

Eisht ren ree Israel sumney ny phadeyryn cooidjagh, mygeayrt kiare cheead dooinney, as dooyrt eh roo, Jem seose dy chaggey noi Ramoth-gilead, ny jean-ym lhiggey shaghey? As dooyrt ad, Immee seose; son nee’n Chiarn livrey eh gys laue yn ree.

Exodus 15:16

Nee aggle as atchim tuittym orroo, liorish niart dty roih cha gleashee ad ny smoo na clagh, derrey hed dty phobble trooid [nyn droailt] O Hiarn, derrey hed y pobble ny hrooid, yn pobble t’ou er chosney [veih Egypt.]

Isaiah 9:15

Yn chenn as onnoroil, eshyn y bun; as y phadeyr ta gynsaghey breagyn, eshyn y baare.

Jeremiah 29:21

Myr shoh ta Chiarn ny flaunyssee, Jee Israel, dy ghra, mychione Ahab mac Cholaiah, as Zedekiah mac Vaaseiah, ta phadeyrys breg diu ayns my ennym, Cur-my-ner livrey-yms ad gys laue Nebuchadrezzar ree Vabylon, as nee eh ad y varroo kiongoyrt rish ny sooillyn eu;

Jeremiah 37:19

Cre vel nish ny phadeyryn eu, ren phadeyrys diu, gra, Cha jig ree Vabylon nyn ’oï, ny noi yn cheer shoh?

Jeremiah 6:13

Son veih’n fer sloo eer gys y fer smoo jeu, ta dy chooilley unnane sondagh er cosney; as veih’n phadeyr eer gys y taggyrt, ta dy chooilley er dellal dy molteyragh.

Dobberan 2:14

Ta dty adeyryn er vakin nheeghyn fardalagh as ommijagh er dty hon; as cha vel ad er vrah dty loghtyn, dy hyndaa ersooyl dty chappeeys, agh t’ad er vakin dty chour erraghyn foalsey, as oyryn eebyrt-cheerey.

Hosea 9:8

Va arreyder Ephraim marish my Yee: agh ta’n phadeyr ribbey shelgeyr ayns ooilley e raaidyn, as ayns myskid noi thie e Yee.

Micah 2:11

My ta dooinney gimmeeaght ayns spyrryd dy oalsaght, cur rish breagyn, gra, Nee’m phadeyrys dhyt mychione feeyn as jough lajer; bee eshyn eer phadeyr yn phobble shoh.

Micah 3:11

Ta ny briwnyn eck briwnys son leagh, as ny saggyrtyn eck gynsagh son faill, as ny phadeyryn eck phadeyrys son argid: ny-yeih t’ad goaill orroo dy ve ass lieh yn Chiarn, as gra, Nagh vel y Chiarn ny mast’ ain? cha jig olk erbee orrin.

Micah 3:5

Myr shoh ta’n Chiarn dy ghra mychione ny phadeyryn, ta coyrt shaghrynys er my phobble, ta lhottey lesh nyn veeacklyn, as fockley magh, Shee: as dy jarroo t’ad jannoo ad-hene aarloo gys caggey, noi eshyn nagh vel er lhieeney nyn meeal.

Malachi 3:5

As hig-yms chion erriu gys briwnys; as beem’s my eanish gyere noi ny fir-obbee, as noi ocsyn ta brishey poosey, as noi ny looderyn-oaiagh, as noi ocsyn ta chionney er y labree ayns e aill, as jannoo tranlaase er y ven-treoghe, as er y chloan gyn ayr, as ta lhiettal veih’n joarree e chair, as nagh vel goaill aggle roym’s, ta Chiarn ny flaunyssee dy ghra.

Noo Mian 10:33

Agh quoi-erbee obbys mish kiongoyrt rish deiney, eshyn neem’s myrgeddin y obbal kiongoyrt rish my Ayr t’ayns niau.

Noo Mian 24:11

As nee ymmodee phadeyryn foalsey girree seose, as mooarane y volley.

Noo Mian 24:24

Son nee Creestyn foalsey, as phadeyryn foalsey girree, as cowraghyn mooarey as yindyssyn y hoilshaghey, ayns wheesh (my oddagh eh ve) dy jinnagh ad molley yn eer chloan reiht.

Noo Mian 24:5

Son hig ymmodee ayns my ennym’s, gra, Mish yn Creest: as nee ad ymmodee y volley.

Noo Mian 7:15

Bee-jee er nyn dwoaie jeh phadeyryn foalsey, ta cheet hiu ayns coamrey keyrragh, agh cheu-sthie t’ad nyn moddee-oaldey jollyssagh.

Noo Mark 13:22

Son nee Creestyn foalsey, as phadeyryn foalsey girree, as cowraghyn as yindyssyn y hoilshaghey, dy volley, my oddagh eh ve, yn eer chloan reiht.

Noo Luke 12:9

Agh bee eshyn obbys mish fenish deiney, er ny obbal fenish ainleyn Yee.

Noo Luke 21:8

As dooyrt eh, Cur-jee twoaie nagh bee shiu er nyn molley: son hig ymmodee ayns m’ennym’s, gra, Mish Creest; as ta’n traa tayrn er-gerrey: ny gow-jee shiuish er-y-fa shen geiyrt orroo.

Noo Luke 6:26

Smerg diuish tra nee dy chooilley ghooinney loayrt dy mie jiu: son shen myr ren ny ayraghyn oc jeh ny phadeyryn foalsey.

Romanee 16:18

Son cha vel nyn lheid shirveish nyn Jiarn Yeesey Creest, agh nyn molg hene; as liorish goan aalin as glare vrynneragh t’ad molley creeaghyn yn vooinjer ôney.

1 Corinthianee 11:19

Son shegin da myrgeddin shaghrynys veih’n chredjue ve ny-vud eu, dy vod adsyn ta firrinagh ayns y chredjue v’er nyn gronnaghey nyn mast’ eu.

1 Corinthianee 6:20

Son ta shiu kionnit lesh price: shen-y-fa jean-jee Jee y ghloyraghey ayns nyn gorp, as ayns nyn spyrryd, ta lesh.

1 Corinthianee 7:23

Ta shiuish kionnit lesh price, ny bee-jee sharvaantyn gheiney.

Galatianee 2:4

As shen kyndagh rish braaraghyn foalsey v’er nyn goyrt lhieu gyn-yss ny-vud ain, haink stiagh dy croutagh dy chronnaghey yn reamys t’ain ayns Creest Yeesey, dy voddagh ad shin y choyrt lhieu fo bondiaght:

Galatianee 3:13

Ta Creest er livrey shin veih mollaght y leigh, eh-hene jeant ny vollaght er nyn son: son te scruit, Cursit ta dagh unnane ta croghey er billey:

Galatianee 4:17

T’ad goaill orroo dy vel kenjallys jeean oc diu, agh cha nee ass aigney-mie; dy jarroo, baillhieu shinyn y yeigh magh, dy gheddyn shiu daue hene.

Galatianee 5:20

Ammys da jallooyn, obbeeys, dwoaie, anvea, goanlys, jymmoose, streeu, irree-magh, shaghrynys veih’n chredjue,

Ephesianee 1:7

Aynsyn ta feaysley ain trooid e uill, leih peccaghyn, cordail rish berchys e ghrayse;

Ephesianee 4:14

Nagh bee mayd maghey shoh nyn gloan leaystey noon as noal, as eiyrit mygeayrt lesh dy chooilley gheay dy ynsagh, liorish kialgyn deiney, as ny croutyn cluicagh, lhieu t’ad lhie cooyl-chlea er-chee dy volley:

Deuteronomy 32:6

Nee shoh myr ta shiu dy chooilleeney’n Chiarn, O phobble ommijagh, as mee-cheeayllagh? nagh nee eshyn dty ayr ren dty chionnaghey? nagh nee eshyn ren dty chroo, as dty niartaghey?

Philippianee 3:19

Ta’n jerrey oc toyrt-mow, yn Jee oc ta nyn molg, as ta’n gloyr oc ayns nyn nearey, ta nyn aigney er nheeghyn seihltagh.)

Colossianee 2:18

Ny lhig da dooinney erbee shiu y volley jeh nyn leagh, lesh injillid-aigney foalsey, as cur ooashley da ainleyn, goaill er dy choyrt coontey jeh ny reddyn shen nagh vel eh er vakin, dy fardalagh er ny heidey seose liorish aigney ny foalley;

Colossianee 2:8

Bee-jee er nyn dwoaie nagh gow dooinney erbee vondeish erriu trooid ynsagh foalsey as molteyraght, lurg cliaghtaghyn deiney, lurg ynsagh annoon y theihll, as cha nee lurg Creest:

1 Timothy 5:8

Agh mannagh vel fer erbee kiarail cour e vooinjer hene, as erskyn ooilley ny chour ocsyn ta jeh’n lught-thie echey hene, t’eh er n’obbal y credjue, as t’eh ny smessey na an-chreestee.

2 Timothy 4:3

Son hig y traa nagh n’uillee ad ynsagh slayntoil; agh lesh cleayshyn miandagh, lurg nyn yeearreeyn hene, tayrnee ad huc hene ymmodee fir-ynsee:

Titus 1:11

Ny beïll oc shegin y yeigh, ta cur slane lughtyn-thie fo-my-cheilley, gynsaghey reddyn nagh lhisagh ad er graih drogh chosney.

Titus 3:10

Dooinney ta jannoo boiraghyn ’syn agglish, lurg raaue v’er ny choyrt da yn nah cheayrt, lhig da ve giarit magh:

Hebrewnee 10:29

Cre’n kerraghey foddey s’trimmey, ta shiuish smooinaghtyn, t’eshyn dy hoilchin, t’er stampey fo-chosh Mac Yee, as ta er choontey fuill yn chonaant liorish v’eh er ny chasherickey, ny red neu-chasherick, as er hassoo magh dy olkyssagh noi’n Spyrryd dy ghrayse?

1 Peddyr 1:8

Ersyn ta shiu graihagh, ga nagh vel shiu er vakin eh; ayn, ga nagh vel shiu nish fakin eh, ny-yeih credjal, ta shiu goaill boggey lesh boggey erskyn insh, as lane dy ghloyr:

2 Peddyr 2:3

As trooid saynt nee ad lesh goan cluicagh jannoo merchantys jiu: yn kerraghey oc cha vel nish foddey jeh, as cha vel y deyrey oc saveenagh.

1 Ean 2:26

Ny reddyn shoh ta mee er scrieu hiu, mychione ocsyn ta cleayney shiu.

1 Ean 4:1

Chaarjyn, ny cred-jee dy chooilley spyrryd, agh prow-jee ny spyrrydyn vel ad veih Jee: er-yn-oyr dy vel ymmodee phadeyryn foalsey er n’gholl magh ’sy theihll.

Jude 1:18

Kys dinsh ad diu, dy beagh craidoilee ayns ny laghyn s’jerree, yinnagh gimmeeaght lurg ny yeearreeyn mee-chrauee oc hene.

Jude 1:4

Son ta shiartanse dy gheiney dy steetagh er hayrtyn stiagh, nyn gour va’n vriwnys shoh roïe er ny oardaghey; deiney mee-chrauee, chyndaa grayse yn Jee ain gys rouanys, as gobbal yn ynrycan Chiarn Jee, as nyn Jiarn Yeesey Creest.

Ashlish 13:14

As t’eh molley adsyn ta cummal er y thalloo, liorish ny mirrilyn shen va pooar echey dy yannoo ayns shilley’n veisht, gra rish cummaltee’n thallooin dy yannoo jalloo da’n veisht va lhottit liorish y chliwe, as va bio.

Ashlish 2:13

Shione dou dty obbraghyn, as dty chummal, dy jarroo raad ta stoyl-reill Noid-ny-hanmey; as t’ou lhiantyn shickyr gys m’ennym, as cha vel oo er n’obbal my chredjue, eer ayns ny laghyn shen ayndoo va Antipas my eanish firrinagh, v’er ny choyrt dy baase nyn mast’ eu, raad ta’n Drogh-spyrryd cummal.

Ashlish 2:9

Shione dou dty obbraghyn, as dty heaghyn, as dty voghtynid (agh t’ou berchagh,) as ta fys aym er yn oltooan ocsyn ta gra dy nee Hewnyn ad, as nagh vel, agh keeill y Drogh-spyrryd.

Ashlish 3:8

Shione dou dty obbraghyn: cur-my-ner, ta mee er hoiaghey royd dorrys foshlit, as cha vod dooinney y yeigh eh: son ta red beg dy vree aynyd, as t’ou er vreayll my ghoo, as cha vel oo er obbal my ennym.

Ashlish 5:9

As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;

Ashlish 6:10

As deïe ad lesh ard-choraa, gra, Caïd, O Hiarn, casherick as firrinagh, nagh vel uss briwnys as goaill cooilleeney son yn uill ain er fir-vaghee yn thallooin?