2 Peddyr 1:3 - Yn Vible Casherick 1775 1819

³ Cordail myr ta e phooar flaunyssagh er choyrt dooin dy chooilley nhee ta bentyn gys bea as craueeaght, trooid y tushtey jehsyn ta er n’eamagh shin gys gloyr as bea spyrrydoil:

Yn Conaant Noa 1810

³ Cordail myr ta e phooar flaunyssagh er choyrt dooin dy chooilley nhee ta bentyn gys bea as craueeaght, trooid y tushtey jehsyn ta er n’eamagh shin gys gloyr as bea spyrrydoil:

2 Peddyr 1:3 ပူးပေါင်းရင်းမြစ်များ

Psalmyn 110:3

Ayns laa dty phooar nee’n pobble ourallyn-arryltagh y hebbal hood’s lesh ooashley crauee: ta druight yn cheet ayd er y theihll veih breïn y voghrey.

Psalmyn 84:11

Bare lhiam currym y dorrys y ve orrym ayns thie my Yee: na dy vaghey ayns cabbaneyn ny mee-chrauee.

Raaghyn Creeney 12:4

Ta ben vie myr attey aalin da’n sheshey eck: agh ish ta tayrn nearey er, t’ee myr loauid ayns e chraueyn.

Raaghyn Creeney 31:10

Quoi oddys ben ghreasag vie y gheddyn? son ta’n leagh eck foddey erskyn rubieyn.

Raaghyn Creeney 31:29

Shimmey inneen t’er n’yannoo dy mie; agh s’ou uss er-y-skyn oc ooilley.

Noo Mian 28:18

As haink Yeesey, as loayr eh roo, gra, Ta dy chooilley phooar er ny chur dou ayns niau as er y thalloo.

Romanee 8:32

Eshyn nagh ren e Vac hene y haghney, agh livrey eh eh seose er nyn son ooilley, kys nagh der eshyn dooin myrgeddin dy arryltagh mârishyn dy chooilley nhee?

Romanee 9:24

Dy jarroo shinyn t’eh er n’eam, cha nee jeh ny Hewnyn ny-lomarcan, agh jeh ny Ashoonee myrgeddin.

1 Corinthianee 1:9

Ta Jee firrinagh, liorish va shiu er nyn eam gys sheshaght e Vac Yeesey Creest nyn Jiarn.

2 Corinthianee 12:9

As dooyrt eh rhym, Ta’n ghrayse aym’s fondagh er dty hon; son ta’n niart aym’s dy slane er ny hoilshaghey ayns annooinid. Ny s’arryltee er-y-fa shen neem’s boggyssagh ayns my annooinidyn, dy vod pooar Chreest ve breeoil aynym.

Ephesianee 4:1

Ta mish er-y-fa shen pryssoonagh ayns cooish y Chiarn, coyrlaghey shiu dy jean shiu gymmyrkey shiu hene ayns aght cooie gys y stayd huggey ta shiu er nyn eam,

Ephesianee 4:4

Ta ayn un chorp, as un Spyrryd, dy jarroo myr ta shiu er nyn eam gys un hreishteil jeh nyn stayd [Creestee];

Philippianee 3:8

As dy firrinagh, cha vel mee coontey dy chooilley nhee agh coayl, son y tushtey smoo ooasle jeh Creest Yeesey my Hiarn: er y hon ta mee er hurranse coayl dy chooilley nhee, as cha vel mee soiaghey jeu agh myr eoylley, dy voddym Creest y chosney,

Philippianee 4:8

Ayns focklyn giarey, my chaarjyn, cre-erbee ny reddyn ta firrinagh, cre-erbee ny reddyn ta ooasle, cre-erbee ny reddyn ta cairagh, cre-erbee ny reddyn ta glen, cre-erbee ny reddyn ta graihoil, cre-erbee ny reddyn ta jeh goo mie; my ta foays erbee, as my ta moylley erbee, smooinee-jee er ny reddyn shoh.

Colossianee 1:16

Son liorishyn va dy chooilley nhee er nyn groo t’ayns niau, as er y thalloo, ayns fakin as gyn fakin, edyr ad y ve stuill-reeoil, ny chiarnyssyn, ny rheamyn, ny pooaraghyn: va dy chooilley nhee er nyn groo liorishyn, as er e hon:

1 Thessalonianee 2:12

Dy jinnagh shiu gymmyrkey shiu hene feeu jeh Jee, t’er n’eamagh erriu gys e reeriaght as e ghloyr.

1 Thessalonianee 4:7

Son cha vel Jee er n’eamagh orrin gys neu-ghlennid, agh gys casherickys.

2 Thessalonianee 2:14

Huggey deïe eh erriu liorish y sushtal ainyn, gys cosney gloyr nyn Jiarn Yeesey Creest.

1 Timothy 4:8

Er son shirveish y challin cha vooar yn ymmyd t’ayn: agh ta craueeaght vondeishagh gys dy chooilley nhee, myr ta gialdyn echey jeh’n vea ta nish ayn, as jeh shen ta ry-heet.

2 Timothy 1:9

Ta er hauail shin, as er n’eamagh orrin lesh eam casherick, cha nee cordail rish ny obbraghyn ain, agh cordail rish e chiarail hene as grayse va er ny choyrt dooin ayns Creest Yeesey, er-dy hoshiaght y theihll,

Hebrewnee 1:3

Myr v’eh sollyssid e ghloyr, as eer co-chaslys e phersoon, as cummal seose dy chooilley nhee liorish goo e phooar, tra v’eh liorish hene er ghlenney ersooyl ny peccaghyn ainyn, hoie eh sheese er laue yesh yn ard-ooashley ayns yn yrjid:

1 Peddyr 1:15

Agh myr ta eshyn ta er n’eamagh erriu casherick, myr shen bee-jee shiuish casherick ayns nyn slane ymmyrkey-bea.

1 Peddyr 1:5

Ta er nyn vendeil liorish pooar Yee trooid credjue gys saualtys, aarloo dy ve er ny hoilshaghey ec y laa jerrinagh.

1 Peddyr 2:21

Son gys shoh va shiu dy jarroo er nyn eam: er-yn-oyr dy vel Creest myrgeddin er hurranse er nyn son, faagail sampleyr dooinyn, dy jinnagh shin geiyrt er ny kesmadyn echeysyn:

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh:

1 Peddyr 3:9

Cha nee cooilleeney olk son olk, ny oltooan son oltooan: agh ayns ynnyd shen, bannaghey; toiggal dy vel shiu gys shoh er nyn eam, dy vod shiu bannaght y gheddyn myr eiraght.

1 Peddyr 5:10

Agh dy jean y Jee jeh dy chooilley ghrayse, ta er n’eamagh orrin gys e ghloyr dy bragh farraghtyn liorish Creest Yeesey, lurg diu ve er hurranse tammylt beg, dy jean eh shiu y yannoo dy firrinagh mie, dy jean eh shiu y chummal seose, y niartaghey, as y hickyraghey.

2 Peddyr 1:10

Shen-y-fa, vraaraghyn, bee-jee ny s’kiaralee dy yannoo yn stayd huggey va shiu er nyn eam as er nyn reih, shickyr: son my nee shiu ny reddyn shoh, cha duitt shiu son dy bragh:

2 Peddyr 1:2

Grayse as shee dy row er ny vishaghey erriu trooid tushtey dy Yee, as Yeesey nyn Jiarn,

2 Peddyr 1:5

As marish shoh, lesh slane imnea, cur-jee gys nyn gredjue, dunnallys; as gys dunnallys, tushtey;

2 Peddyr 1:6

As gys tushtey, sheeltys; as gys sheeltys, surranse; as gys surranse, craueeaght;

2 Peddyr 1:8

Son my ta ny reddyn shoh ayndiu, as bishaghey, ver ad erriu nagh bee shiu liastey ny neu-vessoil ayns tushtey jeh nyn Jiarn Yeesey Creest.

2 Peddyr 2:20

Son lurg daue ve er haghney broïd y theihll trooid tushtey jeh’n Chiarn as Saualtagh Yeesey Creest, my t’ad reesht goit ’sy ribbey, as yn varriaght er ny gheddyn orroo; ta’n jerrey oc ny smessey na’n toshiaght.

2 Peddyr 3:18

Agh aase-jee ayns grayse, as ayns tushtey nyn Jiarn as Saualtagh Yeesey Creest: Huggeysyn dy row gloyr chammah nish as dy bragh. Amen.

Ruth 3:11

As nish, my inneen, ny bee aggle ort; neem’s er dty hon ooilley ny t’ou dy yeearree: son ta fys ec ooilley cummaltee’n ard-valley, dy vel oo ben onneragh.