2 Peddyr 1:1 - Yn Vible Casherick 1775 1819

¹ Simon Peddyr, sharvaant as ostyl Yeesey Creest, dauesyn ta er n’gheddyn yn credjue ooasle cheddin rooinyn, trooid ynrickys Yee, as nyn Saualtagh Yeesey Creest:

Yn Conaant Noa 1810

¹ Simon Peddyr, sharvaant as ostyl Yeesey Creest, dauesyn ta er n’gheddyn yn credjue ooasle cheddin rooinyn, trooid ynrickys Yee, as nyn Saualtagh Yeesey Creest:

2 Peddyr 1:1 ပူးပေါင်းရင်းမြစ်များ

Titus 2:13

Farkiagh son y treishteil bannit shen, as cheet gloyroil yn Jee mooar, as nyn Saualtagh Yeesey Creest:

Titus 1:4

Gys Titus my Vac hene lurg y chredjue cadjin: Grayse, myghin, as shee voish Jee nyn Ayr, as y Chiarn Yeesey Creest nyn Saualtagh.

2 Corinthianee 4:13

Fakin dy vel ainyn yn spyrryd cheddin dy chredjue, myr te scruit, Ren mee credjal, as er-y-fa shen ren mee loayrt: ta shinyn neesht credjal, as er-y-fa shen loayrt;

Noo Ean 12:26

My nee dooinney erbee mish y hirveish, lhig da geiyrt orrym; as y raad ta mish, shen y raad myrgeddin vees my harvaant: my nee dooinney erbee mish y hirveish, dasyn ver my Ayr onnor.

Romanee 1:12

Ta shen, dy voddym’s v’er my gherjaghey cooidjagh mêriu, liorish yn chredjue cadjin euish chammah as aym’s.

2 Peddyr 1:4

Lioroo t’er ny choyrt dooinyn gialdynyn erskyn-towse mooar as ooasle; lioroo shoh dy vod shiu ve goaill ayrn jeh’n dooghys flaunyssagh, myr ta shiu er haghney yn neu-ghlennid t’ayns y theihll trooid yeearreeyn ny foalley.

1 Peddyr 1:1

Peddyr ostyl Yeesey Creest, gys ny joarreeyn er ny skeayley trooid magh Pontus, Galatia, Cappadocia, Asia as Bithynia,

Ephesianee 4:11

As hug eh da paart, dy ve nyn ostyllyn; as da paart, dy ve phadeyryn; as da paart, dy ve sushtallee; as da paart, dy ve bochillyn as fir-ynsee.

Romanee 1:1

Paul sharvaant Yeesey Creest, er ny eam dy ve ny ostyl, soit er-lheh gys sushtal Yee;

Noo Luke 1:47

As ta my spyrryd er ghoaill boggey ayns Jee my Haualtagh.

1 Peddyr 5:1

Ny shanstyryn ta ny mast’ eu ta mee coyrlaghey, ta mee hene myrgeddin my hanstyr, as feanish jeh surranseyn Chreest, as myrgeddin parteeas jeh’n ghloyr vees er ny hoilshaghey:

2 Timothy 1:5

Tra ta mee tayrn gys cooinaghtyn yn credjue ynrick t’aynyd’s, va hoshiaght ayns dty warree Lois, as dty voir Eunice; as ta mee dy shickyr credjal dy ve aynyd’s myrgeddin.

Philippianee 3:9

As ve er my gheddyn aynsyn, cha nee shassoo er my chairys hene, ta liorish y leigh, agh er shen ta liorish credjue ayns Creest, yn chairys shen ta veih Jee liorish credjue:

Jannoo 15:14

Ta Simeon er hoilshaghey kys ren Jee ec y toshiaght jeeaghyn er ny Ashoonee dy ghoaill assdoo pobble son e ennym hene.

Noo Mian 10:2

As shoh va enmyn yn daa ostyl yeig; Yn chied er, Simon, ta enmyssit Peddyr, as Andreays e vraar, Jamys mac Zebedee, as Ean y braar echeysyn,

1 Peddyr 2:7

Diuish er-y-fa shen ta credjal, t’eh deyr: agh dauesyn ta mee-viallagh, ta’n chlagh ren ny masoonee y vee-lowal, er jeet dy ve yn ard-chlagh chorneilagh,

1 Peddyr 1:7

Dy vod prowal nyn gredjue ta foddey s’costal na airh ta ceau ersooyl, ga er ny hrial lesh aile, ve er ny gheddyn gys moylley, as ooashley, as gloyr ec cheet Yeesey Creest:

Titus 1:1

Paul sharvaant Yee, as ostyl Yeesey Creest, son credjue cloan reiht Yee, as goaill-rish yn irriney, ta cordail rish craueeaght:

Philippianee 1:29

Son diuish te er ny choyrt ass lieh Chreest, cha nee ny-lomarcan dy chredjal ayn, agh myrgeddin dy hurranse er y ghraih echey;

Ephesianee 4:5

Un Chiarn, un chredjue, un vashtey,

Ephesianee 3:5

Nagh row ayns eashyn elley er ny hoilshaghey da cloan gheiney, myr te nish er ny ashlaghey da e ostyllyn casherick as e adeyryn liorish y Spyrryd;

Galatianee 2:8

(Son eshyn ren gobbraghey dy breeoil ayns Peddyr son ostyllys yn ghiarey-chymmylt, v’eh myrgeddin niartal aynym’s son ny Ashoonee.)

2 Corinthianee 5:21

Son hug eh ersyn va seyr veih peccah, dy ve oural er nyn son; dy voddagh shinyn v’er nyn seyrey liorish Jee aynsyn.

1 Corinthianee 15:9

Son she mish y fer sloo jeh ny ostyllyn, nagh vel feeu dy ve er my enmys my ostyl, er-y-fa dy ren mee tranlaase er agglish Yee.

1 Corinthianee 9:1

Nagh nee ostyl mee? nagh vel mee ec my reamys hene? nagh vel mee er vakin Yeesey Creest nyn Jiarn? nagh nee shiuish yn obbyr aym’s ayns y Chiarn?

1 Corinthianee 1:30

Agh jehsyn ta shiuish ayns Creest Yeesey eshyn ta liorish Jee er ny yannoo dooinyn creenaght, as cairys, as casherickys, as livrey-ys:

Romanee 1:17

Son ayns shen ta firrinys Yee er ny hoilshaghey veih credjue gys credjue: myr te scruit, Bee’n fer-cairagh bio liorish credjue.

Noo Ean 20:21

Eisht dooyrt Yeesey roo reesht, Shee dy row hiu; myr ta my Ayr er my choyrt’s, myr shen ta mish coyrt shiuish.

Noo Ean 1:42

As hug eh lesh eh gys Yeesey. As tra honnick Yeesey eh, dooyrt eh, Uss Simon mac Jona: bee oo enmyssit Cephas, ta shen dy ghra Peddyr.

Noo Luke 11:49

As shoh yn oyr ta creenaght Yee er ghra, Ver-ym huc phadeyryn as ostyllyn, as paart jeu nee ad y varroo, as tranlaase y yannoo orroo:

Noo Mian 4:18

As myr va Yeesey shooyl liorish keayn Ghalilee, honnick eh daa vraar, Simon va enmyssit Peddyr, as Andreays e vraar, cur magh lieen ’sy cheayn: (son v’ad nyn eeasteyryn)

Jeremiah 33:16

Ayns ny laghyn shen vees Judah er ny hauail, as nee Jerusalem cummal ayns shee: as shoh yn cowrey vees enmyssit er, YN CHIARN YN YNRICKYS AINYN.

Isaiah 12:2

Cur-my-ner, ta Jee my haualtys; nee’m treishteil, as cha goym aggle; son ta’n Chiarn Jehovah my niart as my arrane, t’eh myrgeddin er jeet dy ve my haualtys.

Philippianee 1:1

Paul as Timotheus sharvaantyn Yeesey Creest, gys ooilley ny nooghyn ayns Creest Yeesey, ta ec Philippi, marish ny aspickyn as shirveishee:

Jamys 1:1

Jamys sharvaant Yee as nyn Jiarn Yeesey Creest, gys y daa heeloghe jeig ta skeaylt fud y theihll, bea as slaynt.

Jude 1:1

Jude sharvaant Yeesey Creest, as braar Yamys, hucsyn ta er nyn gasherickey liorish Jee yn Ayr, as er nyn goadey ayns Yeesey Creest, as er nyn eam: