1 Samuel 9:9 - Yn Vible Casherick 1775 1819

⁹ (Ayns traa dy row ayns Israel, tra hie dooinney dy vriaght jeh Jee, shoh myr dooyrt eh, Tar-jee, lhig dooin goll gys y fakyder: son eshyn ta nish enmyssit phadeyr, v’eh roish nish enmyssit fakyder.)

1 Samuel 9:9 ပူးပေါင်းရင်းမြစ်များ

Genesis 25:22

As ren ny oikanyn gleck cheu-sthie j’ee; as dooyrt ee, My te myr shen, kys ta mee er yn aght shoh? As hie ee rhymbee dy vriaght jeh’n Chiarn.

2 Samuel 24:11

Son tra va David er e chosh ’sy voghrey, haink goo’n Chiarn gys y phadeyr Gad, fakyder Ghavid, gra,

2 Reeaghyn 17:13

Foast dymmyrk y Chiarn feanish noi Israel, as noi Judah, liorish ooilley ny phadeyryn, as ooilley ny fakyderyn, gra, Chyndaa-jee veih nyn ghrogh raaidyn, as freill-jee my annaghyn as my lattyssyn, cordail rish y slane leigh ren mee y harey da nyn ayraghyn, as shen doardee mee diuish liorish my harvaantyn ny phadeyryn.

1 Recortyssyn 21:9

As loayr y Chiarn rish Gad, phadeyr Ghavid, gra,

1 Recortyssyn 26:28

As ooilley ny va Samuel y phadeyr, as Saul mac Kish, as Abner mac Ner, as Joab mac Zeruiah er chasherickey; as quoi-erbee va er chasherickey nhee erbee, ve fo currym Shelomith, as e vraaraghyn.

1 Recortyssyn 29:29

Nish, obbraghyn Ghavid y ree, toshiaght as jerrey, cur-my-ner, t’ad scruit ayns lioar Samuel y fakyder, as ayns lioar Nathan y phadeyr, as ayns lioar Ghad y phadeyr.

1 Recortyssyn 9:22

Ad shoh ooilley va reiht dy ve son gard ny giattyn, v’ad daa cheead as ghaa-yeig. Va’n coontey oc shoh rere nyn gynneeyn er ny ghoaill ayns nyn baljyn: myr va David as Samuel y phadeyr er oardaghey dagh fer gys e oik hene.

2 Recortyssyn 16:10

Eisht va Asa jymmoosagh rish y phadeyr, as hug eh eh ayns pryssoon; son v’eh jiarg-chorree rish, son ny dooyrt eh. As ren Asa tranlaase er shiartanse jeh’n pobble ec y traa cheddin.

2 Recortyssyn 16:7

As ec y traa cheddin haink Hanani yn fakyder gys Asa ree Yudah, as dooyrt eh rish, Er-yn-oyr dy vel oo er choyrt dty varrant er ree Syria, as nagh dug oo dty varrant er y Chiarn dty Yee, shen-y-fa ta sheshaght-caggee ree Syria er scapail ass dty laue.

Isaiah 29:10

Son ta’n Chiarn er gheayrtey magh erriu yn spyrryd dy chadley dowin, as er yeigh ny sooillyn eu: ny phadeyryn as ny fir-reill eu, ny fakyderyn, t’eh er choodaghey lesh dorraghys.

Isaiah 30:10

Ta gra rish ny fakyderyn, Ny jean-jee fakin; as rish ny phadeyryn, Ny jean-jee phadeyrys dooin reddyn cairagh; loayr-jee rooin goan brynnagh, jean-jee phadeyrys foalsey:

Amos 7:12

Va Amaziah myrgeddin er ghra rish Amos, O uss fakyder, immee, cosne royd gys cheer Yudah, as fow dty veaghey ayns shen, as shen y raad jean phadeyrys.

1 Corinthianee 12:17

Dy beagh yn slane corp ny hooill, cre’n raad veagh y clashtyn? as dy beagh yn slane corp ny chlashtyn, cre’n raad veagh y soaral?

Briwnyn 1:1

Nish lurg baase Yoshua, haink eh gy-kione, dy ren cloan Israel shirrey coyrle jeh’n Chiarn, gra, Quoi hed seose hoshiaght er nyn son noi ny Canaaniteyn, dy chaggey?

Briwnyn 18:5

As dooyrt ad rish, Shir coyrle, ta shin guee ort, er Jee, dy vod fys ’ve ain, jig y jurnah ta shin dy ghoaill dy mie lhien.

1 Samuel 9:10

Eisht dooyrt Saul rish e harvaant, Feer vie; tar, lhig dooin goll: myr shen hie ad gys yn ard-valley, raad va’n dooinney dy Yee.