1 Samuel 9:7 - Yn Vible Casherick 1775 1819

⁷ Eisht dooyrt Saul rish e harvaant, Agh cur-my-ner, my hem mayd cre t’ain dy hebbal da’n dooinney? son ta’n arran hug shin lhien son y raad baarit, as cha vel gioot ain dy hebbal da’n dooinney dy Yee: vel red erbee ain?

1 Samuel 9:7 ပူးပေါင်းရင်းမြစ်များ

1 Reeaghyn 13:7

As dooyrt y ree rish yn dooinney dy Yee, Tar thie mârym, as jean oo-hene y ooraghey, as ver-ym leagh dhyt.

1 Reeaghyn 14:3

As gow mayrt jeih bwilleenyn, as keeakyn, as saagh dy vill, as immee royd huggey: inshee eh dhyt cre’n erree hig er y lhiannoo.

2 Reeaghyn 4:42

As haink dooinney veih Baal-shalisha, as hug eh lesh arran gys y dooinney dy Yee jeh ny chied-vessyn, feed bwilleen oarn, as jeeassyn creen dy arroo ayns poagey. As dooyrt eh, Cur da’n phobble, dy vod ad gee.

2 Reeaghyn 5:15

As hyndaa eh gys y dooinney dy Yee, eshyn as ooilley e heshaght, as haink eh, as hass eh kiongoyrt rish: as dooyrt eh, Cur-my-ner, ta fys aym nish nagh vel Jee erbee ayns ooilley’n seihll agh ayns Israel: nish er-y-fa shen, ta mee guee ort, gow bannaght veih dty harvaant.

2 Reeaghyn 5:5

As dooyrt ree Syria, Immee, as ver-yms screeuyn gys ree Israel. As hie eh roish, as ghow eh mârish jeih talentyn dy argid, as jeih thousane peesh dy airh, as jeih caghlaaghyn coamrey.

2 Reeaghyn 8:8

As dooyrt y ree rish Hazael, Gow gioot ayns dty laue, as immee gys yn dooinney dy Yee, as jean briaght jeh’n Chiarn liorishyn, gra, Jig-yms trooid y doghan shoh?

2 Reeaghyn 8:9

Myr shen hie Hazael ny whail, as ghow eh’n cowrey mârish, eer jeh dy chooilley nhee mie v’ayns Damascus, laad da-eed camel, as haink eh, as hass eh ny enish, as dooyrt eh, Ta dty vac Ben-hadad ree Syria er my choyrt hood’s, gra, Jig-yms trooid y doghan shoh?

Ezekiel 13:19

As der shiu orrym’s dy ve beg soit jee’m mastey my phobble son basslagh dy oarn, as son greme dy veer, dy stroie ny anmeenyn nagh lhisagh baase y gheddyn, as dy hauail bio ny anmeenyn nagh lhisagh ve bio, liorish nyn mreagyn gys my phobble, ta geaishtagh rish ny breagyn eu?

Briwnyn 6:18

Ny gow veih shoh, ta mee guee ort, derrey hig-yms reesht, as ver-ym lhiam my oural, dy hoiaghey eh kiongoyrt rhyt. As dooyrt eh, Fuirree-ym derrey hig oo.