1 Samuel 9:4 - Yn Vible Casherick 1775 1819

⁴ As hie eh trooid slieau Ephraim, as er e hoshiaght trooid cheer Shalisha, agh cha row ad ry-gheddyn: eisht hie ad trooid cheer Shalim, as ayns shen cha row ad; as hie eh trooid cheer ny Benjamiteyn, agh cha row ad ayns shen.

1 Samuel 9:4 ပူးပေါင်းရင်းမြစ်များ

Genesis 33:18

As haink Jacob gys Shalem, ard-valley jeh Shechem, t’ayns cheer Chanaan, tra haink eh veih Padan-aram; as hoie eh e chabbane er-gerrey da’n ard-valley.

2 Reeaghyn 4:42

As haink dooinney veih Baal-shalisha, as hug eh lesh arran gys y dooinney dy Yee jeh ny chied-vessyn, feed bwilleen oarn, as jeeassyn creen dy arroo ayns poagey. As dooyrt eh, Cur da’n phobble, dy vod ad gee.

Noo Ean 3:23

As va Ean myrgeddin bashtey ayns Enon, er-gerrey da Salem, er-y-fa dy row palchey dy ushtey ayns shen: as haink ad as v’ad er nyn mashtey.

Joshua 19:42

As Shaalabbin, as Ajalon, as Jethlah,

Joshua 24:33

As hooar Eleazar mac Aaron baase; as doanluck ad eh ayns cronk va lesh Phinehas e vac, v’er ny choyrt da ayns cronk Ephraim.

Briwnyn 17:1

As va dooinney dy row jeh slieau Ephraim, yn ennym echey va Micah.

Briwnyn 19:1

As haink eh gy-kione, ayns ny laghyn shen, tra nagh row ree ayns Israel, dy row Levite cummal er lhiattee cronk Ephraim, ghow da hene co-lhiabbagh veih Beth-lehem-judah.

1 Samuel 1:1

Nish va dooinney dy row jeh Ramathaim-zophim, jeh slieau Ephraim, as va’n ennym echey Elkanah, mac Jehoram, mac Elihu, mac Tohu, mac Zuph, ny Ephrathite:

1 Samuel 9:3

As va assylyn Kish, ayr Saul, er n’gholl er-shaghryn; as dooyrt Kish rish Saul e vac, Gow nish mayrt fer jeh’n vooinjer, trog ort, as immee dy yeeaghyn son ny assylyn.