1 Samuel 9:3 - Yn Vible Casherick 1775 1819

³ As va assylyn Kish, ayr Saul, er n’gholl er-shaghryn; as dooyrt Kish rish Saul e vac, Gow nish mayrt fer jeh’n vooinjer, trog ort, as immee dy yeeaghyn son ny assylyn.

1 Samuel 9:3 ပူးပေါင်းရင်းမြစ်များ

Briwnyn 10:4

As va echey jeih mec as feed, va markiagh er jeih lhiynyn assyl as feed, as va oc jeih ard-valjyn as feed, va enmyssit Havoth-jair gys y laa jiu, t’ayns cheer Ghilead.

Briwnyn 5:10

Cur-jee moylley, shiuish ta markiagh er assylyn baney; shiuish ta soie ayns briwnys, as shiuish ta shooyl er y raad.

1 Samuel 10:14

As dooyrt naim Saul rishyn, as rish e harvaant, Cre’n raad hie shiu? As dooyrt eh, Dy yeeaghyn lurg ny assylyn: as tra honnick shin nagh row ad ry-gheddyn, haink shin gys Samuel.

1 Samuel 10:2

Erreish dhyt’s ve er m’aagail jiu, eisht yiow daa ghooinney liorish lhiaght Rachel, ayns ardjyn Venjamin, ec Zelzah; as jir ad rhyt, Ta ny assylyn v’ou uss briaght nyn yeï er ny gheddyn: as cur-my-ner, cha nee son ny assylyn ta imnea dt’ayrey nish, agh t’eh ayns trimshey er nyn son hene, gra, Cre’n erree t’er jeet er my vac?

1 Samuel 9:2

As va mac echey va’n ennym echey Saul, reih dooinney aeg as aalin; as cha row mastey cloan Israel persoon ny stoamey na eh: veih e gheayltyn seose v’eh ny s’thollee na veg jeh’n pobble.

1 Samuel 9:20

As er son dty assylyn va caillit three laa er-dy-henney, ny bee ayns imnea erbee; son t’ad er ny gheddyn. As quoi er ta ooilley yeearree Israel? nagh nee ort’s te, as er ooilley thie dt’ayrey?

1 Samuel 9:4

As hie eh trooid slieau Ephraim, as er e hoshiaght trooid cheer Shalisha, agh cha row ad ry-gheddyn: eisht hie ad trooid cheer Shalim, as ayns shen cha row ad; as hie eh trooid cheer ny Benjamiteyn, agh cha row ad ayns shen.