1 Samuel 9:27 - Yn Vible Casherick 1775 1819

²⁷ As myr v’ad goll sheese ec kione yn ard-valley, dooyrt Samuel rish Saul, Abbyr rish y yuilley goll er e hoshiaght roïn, (as hie eh er e hoshiaght,) agh fuirree uss tammylt ayns shoh, dy voddym soilshaghey dhyt goo’n Chiarn.

1 Samuel 9:27 ပူးပေါင်းရင်းမြစ်များ

2 Reeaghyn 20:16

As dooyrt Isaiah rish Hezekiah, Clasht rish goo yn Chiarn.

1 Samuel 10:1

Eisht ghow Samuel boteil dy ooil, as gheayrt eh eh er e chione, as phaag eh eh, as dooyrt eh, Nagh vel eh er-yn-oyr dy vel y Chiarn er dty ooilaghey dy ve captan harrish e eiraght?

1 Samuel 15:16

Eisht dooyrt Samuel rish Saul, Fuirree, as insh-ym dhyt, cre ta’n Chiarn er ghra rhym’s noght. As dooyrt eh rish, Gow lesh.

1 Samuel 9:26

As dirree ad dy moghey: as haink eh gy-kione mysh brishey’n laa, dy deïe Samuel er Saul gys yn ard-shamyr, gra, Trog ort, dy voddym lhiggey’n raad dhyt. As dirree Saul, as hie ad ny-neesht magh, eshyn as Samuel, gys boayl er-lheh.