1 Samuel 9:21 - Yn Vible Casherick 1775 1819

²¹ As dreggyr Saul as dooyrt eh, Nagh nee Benjamite mee, jeh’n tribe sloo coontit ayns Israel? as nagh vel my chynney’s ny s’fardalee na ooilley kynneeyn tribe Venjamin? cre’n-fa eisht t’ou loayrt rhym’s er yn aght shoh?

1 Samuel 9:21 ပူးပေါင်းရင်းမြစ်များ

Psalmyn 68:27

Ayns shen ta Benjamin beg nyn ver-reill, as princeyn Yuda nyn vir-choyrlee: princeyn Zabulon, as princeyn Nephthali.

Psalmyn 68:28

Ta dty Yee er choyrt magh niart er dty hon’s: jean y red y hickyraghey, O Yee, t’ou er n’obbraghey aynin.

Hosea 13:1

Tra ren Ephraim loayrt dy arrymagh, hooar eh ooashley da hene ayns Israel; agh tra hug eh rish peccah liorish Baal, hie eh naardey.

Noo Luke 14:11

Son quoi-erbee ta dy hoiaghey eh-hene seose, bee eh er ny injillaghey; as eshyn ta dy injillaghey eh-hene, bee eh er ny hoiaghey seose.

Ephesianee 3:8

Dooys, ta’n fer sloo jeh ooilley ny nooghyn, ta’n ghrayse shoh er ny choyrt, dy beign’s dy phreacheil mastey ny Ashoonyn-quaagh berchys Chreest nagh vod ve ronsit magh;

1 Samuel 10:27

Agh dooyrt cloan Velial, Kys nee ’n dooinney shoh shinyn y livrey? As hoie ad beg jeh, as cha dug ad lhieu gioot erbee huggey: agh cha lhig eh monney er.

1 Samuel 14:51

As Kish va ayr Saul; as va Ner, ayr Abner mac Abiel.

1 Samuel 15:17

As dooyrt Samuel, Tra v’ou imlee ayns dty hooillyn hene, nagh r’ou jeant yn ard-chaptan er tribeyn Israel, as ren y Chiarn uss y ooilaghey dy ve dty ree harrish Israel?

1 Samuel 18:18

As dooyrt David rish Saul, Quoi mish? as cre ta my vea, ny lught-thie m’ayrey ayns Israel, dy beign mac-’sy-leigh yn ree?

1 Samuel 18:23

As loayr sharvaantyn Saul ny goan cheddin ayns clashtyn Ghavid. As dooyrt David, Vel shiu jeeaghyn er myr red fardalagh dy ve mac-’sy-leigh da ree, fakin dy vel mish my ghooinney boght, as beg soit jee’m.

1 Samuel 9:22

As ghow Samuel Saul as e harvaant, as hug eh lesh ad stiagh ’sy pharlar, as hug eh orroo soie seose gys kione y voayrd, mastey ny goaldee, va mysh jeih persoonyn as feed.