1 Samuel 9:2 - Yn Vible Casherick 1775 1819

² As va mac echey va’n ennym echey Saul, reih dooinney aeg as aalin; as cha row mastey cloan Israel persoon ny stoamey na eh: veih e gheayltyn seose v’eh ny s’thollee na veg jeh’n pobble.

1 Samuel 9:2 ပူးပေါင်းရင်းမြစ်များ

Genesis 6:2

Dy vaik mec Yee inneenyn gheiney dy row ad aalin; as ghow ad mraane jeu, lurg nyn yeearree.

1 Recortyssyn 8:33

As hooar Ner Kish, as hooar Kish Saul, as hooar Saul Jonathan, as Malchi-shua, as Abinadab, as Esh-baal.

Jeremiah 9:23

Myr shoh ta’n Chiarn dy ghra, Ny lhig da’n dooinney creeney boggyssagh ass e chreenaght, chamoo lhig da’n dooinney niartal boggyssagh ass e niart, ny lhig da’n dooinney berchagh boggyssagh ass e verchys:

Earrooyn 13:33

As ayns shen honnick shin foawir, mee Anak, sluight ny foawir: as va shin ayns y chilley ain hene myr beishteigyn, as myr shen va shinyn myrgeddin ’sy chilley ocsyn.

1 Samuel 10:21

Tra v’eh er choyrt er tribe Venjamin dy heet kionfenish lurg nyn lught-thie, huitt y lot er lught-thie Matri, as haink y lot magh er Saul mac Kish: as tra yeeagh ad er e hon, cha row eh ry-gheddyn.

1 Samuel 16:7

Agh dooyrt y Chiarn rish Samuel, Ny jeeagh er e eddin, ny cre cha thollee t’eh; son dy vel mee er n’obbal eh; son cha vel y Chiarn fakin, myr ta dooinney fakin; son ta dooinney briwnys cordail rish ny t’eh fakin, agh ta’n Chiarn fakin y cree.

1 Samuel 17:4

As hie champion magh ass camp ny Philistinee, enmyssit Goliath, jeh Gath, va nuy trieyn as reaish er yrjid.

1 Samuel 9:3

As va assylyn Kish, ayr Saul, er n’gholl er-shaghryn; as dooyrt Kish rish Saul e vac, Gow nish mayrt fer jeh’n vooinjer, trog ort, as immee dy yeeaghyn son ny assylyn.