1 Samuel 9:17 - Yn Vible Casherick 1775 1819

¹⁷ As tra honnick Samuel Saul, dooyrt y Chiarn rish, Cur-my-ner yn dooinney mychione echey loayr mee rhyt: shoh eh nee reill harrish my phobble.

1 Samuel 9:17 ပူးပေါင်းရင်းမြစ်များ

Nehemiah 13:19

As haink eh gy-kione, tra ve toshiaght dy aase dorraghey ec giattyn Yerusalem roish y doonaght, doardee mee ny giattyn dy ve dooint, as nagh beagh ad foshlit, derrey veagh y doonaght harrish: as hoie mee paart jeh my harvaantyn ec ny giattyn, nagh beagh errey erbee er ny choyrt lesh stiagh er y doonaght.

Nehemiah 13:25

As hass mee seose nyn ’oï, as hug mee oghsan daue, as doardee mee paart jeu dy ve er nyn mwoalley, as y folt dy ve goit jeu, as hug mee orroo breearrey liorish Jee, gra, Cha der shiu ny inneenyn euish da ny mec ocsyn, ny goaill ny inneenyn oc da ny mec euish, ny diu hene.

Jeremiah 32:8

Myr shen haink Hanameel, mac my naim, hym, ayns cooyrt y phryssoon, rere goo yn Chiarn, as dooyrt eh rhym, Kionnee my vagher, ta mee guee ort, ta ayns Anathoth, ayns cheer Venjamin: son ta’n cairys eiraght aynyd’s, as lhiat’s ta’n feaysley; kionnee eh dhyt hene. Eisht hoig mee dy nee goo yn Chiarn va shoh.

Hosea 13:11

Hug mee dhyt ree ayns my chorree, as ghow mee eh ersooyl ayns my yymmoose.

Jannoo 13:21

As ny lurg shen yeearree ad ree: as hug Jee daue Saul mac Cis, dooinney jeh sheeloghe Benjamin, son da-eed bleïn.

1 Samuel 3:13

Son ta mee er n’insh da dy goym kerraghey er e hie, gys earishyn foddey, son y peccah nagh vel gyn-yss da; er-yn-oyr dy ren e vec ad-hene mollaghtagh, as nagh ren eh smaghtaghey ad.

1 Samuel 9:18

Eisht hayrn Saul er-gerrey da Samuel ’sy yiat, as dooyrt eh, Insh dou, ta mee guee ort, c’raad ta thie yn fakyder.