1 Samuel 9:15 - Yn Vible Casherick 1775 1819

¹⁵ Nish va’n Chiarn er hoilshaghey da Samuel er-lheh, yn laa roish my daink Saul, gra,

1 Samuel 9:15 ပူးပေါင်းရင်းမြစ်များ

2 Samuel 7:27

Son t’ou uss, O Hiarn dy heshaghtyn niau, Yee Israel, er hoilshaghey da dty harvaant, gra, Neem’s dty hie y hroggal: shen-y-fa ta dty harvaant er ghoaill cree dy hebbal yn phadjer shoh hood.

Lioar Yob 33:16

Eisht t’eh fosley cleayshyn deiney, as cur raaue shickyr daue,

Psalmyn 25:14

Ta my hooillyn dy bragh jeeaghyn gys y Chiarn: son tayrnee eh my chassyn ass y ribbey.

Amos 3:7

Dy firrinagh, cha jean y Chiarn Jee nhee erbee, nagh vel eh soilshaghey yn folliaght da e harvaantyn ny phadeyryn.

Jannoo 13:21

As ny lurg shen yeearree ad ree: as hug Jee daue Saul mac Cis, dooinney jeh sheeloghe Benjamin, son da-eed bleïn.

Jannoo 27:23

Son hass liorym’s noght ainle Yee, quoi s’liesh mee, as eh ta mee dy hirveish,

1 Samuel 15:1

Dooyrt Samuel myrgeddin rish Saul, Hug y Chiarn mish dy dty ooilaghey dy ve dty ree harrish e phobble Israel: nish er-y-fa shen eaisht rish coraa goan y Chiarn.

1 Samuel 20:2

As dooyrt eh rish, Ny lhig eh Jee: cha bee uss er ny choyrt gy-baase: cur-my-ner, cha jean m’ayr nhee erbee y yannoo, lhig da ve mooar ny beg, nagh n’insh eh dooys: as cre’n-fa yinnagh m’ayr yn red shoh y cheiltyn voym? cha vel eh myr shen.

1 Samuel 3:21

As haink y Chiarn reesht kionfenish ayns Shiloh: son ren y Chiarn eh-hene y hoilshaghey da Samuel ayns Shiloh, liorish goo’n Chiarn.

1 Samuel 9:14

As hie ad seose gys yn ard-valley; as tra v’ad er jeet stiagh s’yn ard-valley, cur-my-ner, haink Samuel nyn guail, myr v’eh goll seose gys yn altar.

1 Samuel 9:17

As tra honnick Samuel Saul, dooyrt y Chiarn rish, Cur-my-ner yn dooinney mychione echey loayr mee rhyt: shoh eh nee reill harrish my phobble.