1 Samuel 9:13 - Yn Vible Casherick 1775 1819

¹³ Cha leah’s hig shiu stiagh ’syn ard-valley yiow shiu eh chelleeragh, roish my jed eh seose gys yn ynnyd ard dy ee: son cha jean y pobble gee derrey hig eh, er-yn-oyr dy vel eh dy oltaghey’n oural, as eisht ta ny goaldee gee. Jean-jee siyr eisht; son mysh y traa shoh yiow shiu eh.

1 Samuel 9:13 ပူးပေါင်းရင်းမြစ်များ

2 Samuel 15:11

As marish Absalom hie da cheead dooinney ass Jerusalem, v’er nyn guirrey; as hie ad shoh ayns ônid nyn gree, as cha row veg y toiggal oc jeh’n chooish.

Noo Mian 14:19

As doardee eh yn pobble dy hoie sheese er y faiyr, as ghow eh ny queig bwilleenyn as y daa eeast, as yeeagh eh seose gys niau, as vannee eh, as vrish eh, as hug eh ny bwilleenyn da ny ostyllyn, as hirveish adsyn ad er y pobble.

Noo Mian 26:26

As myr v’ad gee, ghow Yeesey arran, as vannee eh as vrish eh eh, as hug eh eh da ny ostyllyn, gra, Gow-jee, ee-jee, shoh my chorp’s.

Noo Mark 6:41

As tra v’eh er ghoaill ny queig bwilleenyn as y daa eeast, yeeagh eh seose gys niau, as vannee eh, as vrish eh ny bwilleenyn, as hug eh ad da e ostyllyn dy hoiaghey rhymboo; as y daa eeast rheynn eh ny mast’ oc ooilley.

Noo Luke 24:30

As haink eh gy-kione, myr v’eh ny hoie ec bee mâroo, dy ghow eh arran, as vannee eh, as vrish eh, as hirveish eh orroo eh.

Noo Luke 9:16

Eisht ghow eh ny queig bwilleenyn as y daa eeast, as yeeagh eh seose gys niau, as vannee eh, as vrish eh, as hug eh ad da e ostyllyn dy hoiaghey roish y pobble.

Noo Ean 6:11

As ghow Yeesey ny bwilleenyn, as tra v’eh er chur booise, rheynn eh ad er e ostyllyn, as rheynn adsyn ad orroosyn myr v’ad soie; as myrgeddin jeh ny eeastyn wheesh as bailloo.

Noo Ean 6:23

(Ny-yeih va baatyn elley er jeet veih Tiberias, er-gerrey da’n boayl ren ad arran y ee ayn, erreish da’n Chiarn v’er chur booise.)

1 Corinthianee 10:30

Son, my ta mee liorish grayse goaill ayrn jeh, cre’n-fa ta mee oltooanit son shen ny ta mee er oltaghey?

1 Timothy 4:4

Son ta ooilley cretooryn Yee mie, as dyn nhee erbee dy ve mee-lowit, my te er ny ghoaill lesh toyrt-booise:

1 Samuel 2:35

As trog-yms seose dou hene saggyrt firrinagh nee cooilleeney shen ny ta ayns my chree, as my aigney: as neem’s thie shickyr y hroggal da, as nee eh shirveish fenish my er-ooilit dy kinjagh.

1 Samuel 9:14

As hie ad seose gys yn ard-valley; as tra v’ad er jeet stiagh s’yn ard-valley, cur-my-ner, haink Samuel nyn guail, myr v’eh goll seose gys yn altar.