1 Samuel 9:12 - Yn Vible Casherick 1775 1819

¹² As dreggyr ad, as dooyrt ad, T’eh; cur-my-ner, t’eh reue: jean-jee siyr nish; son haink eh jiu gys yn ard-valley; son ta oural-feailley ec yn pobble dy hebbal jiu er yn ard-altar.

1 Samuel 9:12 ပူးပေါင်းရင်းမြစ်များ

Genesis 31:54

Eisht heb Jacob oural er yn chronk, as chuir eh e gheiney-mooinjer dy ghoaill beaghey, as ghow ad beaghey; as duirree ad fud-ny-hoie er y chronk.

1 Recortyssyn 16:39

As Zadok y saggyrt, as e vraaraghyn ny saggyrtyn, kiongoyrt rish cabbane-agglish y Chiarn, ayns yn ard-ynnyd v’ec Gibeon,

1 Samuel 10:5

Lurg shen, hig oo gys cronk Yee, raad ta garrison ec ny Philistinee: as hig eh gy-kione tra t’ou er roshtyn choud shen gys yn ard-valley, dy jig dty whail sheshaght d’adeyryn, cheet neose veih’n ard-ynnyd, lesh psalteree, as drum, as feddan, as claasagh, rhymboo, goaill arraneyn-moyllee.

1 Samuel 16:2

As dooyrt Samuel, Kys oddym goll? my chlinnys Saul jeh, nee eh m’y varroo. As dooyrt y Chiarn, Gow colbagh mayrt, as abbyr, Ta mee cheet dy hebbal oural gys y Chiarn.

1 Samuel 2:35

As trog-yms seose dou hene saggyrt firrinagh nee cooilleeney shen ny ta ayns my chree, as my aigney: as neem’s thie shickyr y hroggal da, as nee eh shirveish fenish my er-ooilit dy kinjagh.

1 Samuel 20:6

My ennys dty ayr nagh vel mee kionfenish, eisht abbyr, Ren David guee orrym dy jeean kied ’chur da dy roie choud’s Beth-lehem yn ard-valley echey hene: son ta feailley-bleeaney freilt ayns shen son y slane kynney.

1 Samuel 7:17

As haink eh reesht gys Ramah; son shen y raad va e chummal: as ayns shen v’eh briwnys Israel; as ayns shen hrog eh altar gys y Chiarn.