1 Samuel 8:8 - Yn Vible Casherick 1775 1819

⁸ Cordail rish ooilley ny obbraghyn t’ad er n’yannoo, er-dyn laa hug mee lhiam ad seose ad Egypt gys yn eer laa shoh, lioroo t’ad er my hreigeil, as er hirveish jeeghyn elley; myrgeddin t’ad jannoo rhyt’s.

1 Samuel 8:8 ပူးပေါင်းရင်းမြစ်များ

Psalmyn 78:8

Dy voddagh ad nyn dreishteil y choyrt ayns Jee: as gyn obbraghyn Yee y yarrood, agh ny annaghyn echeysyn y reayll.

Exodus 16:3

As dooyrt cloan Israel roo, Dy baillish Jee, dy beagh shin er gheddyn baase liorish laue yn Chiarn ayns cheer Egypt, raad hoie shin liorish ny pooiyt-feill, as raad va nyn saie arran ain dy ee: son ta shiu er chur lhieu shin stiagh ’syn aasagh shoh, dy chur naardey yn slane cheshaght shoh lesh accryssyd.

Exodus 17:2

As ren y pobble troiddey rish Moses, as dooyrt ad, Cur dooin ushtey dy iu. As dooyrt Moses roo, Cre’n-fa ta shiu troiddey rhym’s? cre’n-fa ta shiu brasnaghey’n Chiarn.

Exodus 32:1

Tra honnick y pobble dy row Moses er uirriaght foddey er y clieau, dy haggil y pobble cooidjagh gys Aaron, as dooyrt ad rish, Seose, jean jeeghyn dooin, dy gholl roïn; son mychione yn Moses shoh, yn fer ren leeideil shin magh ass cheer Egypt, cha s’ain cre’n erree t’er jeet er.

Jeremiah 34:14

Ec kione shiaght bleeaney, cur-jee e reamys dagh dooinney da e vraar, ta ny Hebrew kionnit; as tra t’eh er dty hirveish shey bleeaney, ver oo e reamys da: agh cha ren nyn ayraghyn geaishtagh rhym, chamoo ren ad croymmey nyn gleaysh.

Ezekiel 2:3

As dooyrt eh rhym, Vac y dooinney, ta mee dy dty choyrt gys cloan Israel, gys ashoon mee-viallagh, t’er n’irree-magh m’oï: t’adsyn as nyn ayraghyn er n’irree-magh m’oï, eer gys y laa t’ayn jiu.

Earrooyn 16:41

Agh laa-ny-vairagh, ren ooilley sheshaght cloan Israel plaiynt noi Moses, as noi Aaron, gra, Ta shiu er stroie pobble y Chiarn.

Deuteronomy 9:24

Ta shiu er ve mee-viallagh noi yn Chiarn, er-dyn laa va ainjys aym erriu.

Briwnyn 13:1

As ren cloan Israel reesht shen ny va olk ayns shilley’n Chiarn; as ren y Chiarn ad y livrey gys laue ny Philistinee da-eed bleïn.

Briwnyn 2:20

As va corree yn Chiarn cheh noi Israel; as dooyrt eh, Er-yn-oyr dy vel y pobble shoh er vrishey my chonaant ren mee rish nyn ayraghyn, as nagh vel ad er choyrt geill da my choraa’s;

Briwnyn 4:1

As reesht ren cloan Israel olk ayns shilley’n Chiarn lurg baase Ehud.

Briwnyn 6:1

As ren cloan Israel olk reesht ayns shilley yn Chiarn; as livrey yn Chiarn ad gys laue Vidian shiaght bleeaney.

1 Samuel 8:7

As dooyrt y Chiarn rish Samuel, Cur raad da coraa yn pobble ayns ooilley ny t’ad dy ghra rhyt: son cha nee uss t’ad er yiooldey voue, agh mish, veih reill harrystoo.

1 Samuel 8:9

Nish er-y-fa shen, cur raad da nyn yeearree: agh ec y traa cheddin cur dty vriwnys dy foshlit nyn ’oï, as cur toiggal daue cre’n aght nee’n ree dellal roo vees reill harrystoo.