1 Samuel 8:7 - Yn Vible Casherick 1775 1819

⁷ As dooyrt y Chiarn rish Samuel, Cur raad da coraa yn pobble ayns ooilley ny t’ad dy ghra rhyt: son cha nee uss t’ad er yiooldey voue, agh mish, veih reill harrystoo.

1 Samuel 8:7 ပူးပေါင်းရင်းမြစ်များ

Exodus 16:8

As dooyrt Moses, Shoh myr vees eh, tra ver y Chiarn diuish ec yn astyr feill dy ee, as ayns y voghrey nyn saie arran; son dy vel y Chiarn clashtyn y plaiynt ta shiu jannoo n’oï? as cre ta shinyn? cha nee noi ainyn ta’n plaiynt eu; agh noi’n Chiarn.

Isaiah 66:4

Faag-yms ad myrgeddin fo yn shaghrynys oc hene, as ver-ym lhiam nyn aggle orroo; er-yn-oyr tra deïe mee, nagh ren fer hene freggyrt; tra loayr mee, cha ren ad clashtyn: agh ren ad olk roish my hooillyn, as reih ad shen nagh ghow mee taitnys ayn.

Jeremiah 34:14

Ec kione shiaght bleeaney, cur-jee e reamys dagh dooinney da e vraar, ta ny Hebrew kionnit; as tra t’eh er dty hirveish shey bleeaney, ver oo e reamys da: agh cha ren nyn ayraghyn geaishtagh rhym, chamoo ren ad croymmey nyn gleaysh.

Ezekiel 2:3

As dooyrt eh rhym, Vac y dooinney, ta mee dy dty choyrt gys cloan Israel, gys ashoon mee-viallagh, t’er n’irree-magh m’oï: t’adsyn as nyn ayraghyn er n’irree-magh m’oï, eer gys y laa t’ayn jiu.

Ezekiel 3:7

Agh cha jean thie Israel geaishtagh rhyt’s, son cha n’eaishtagh ad rhym’s: son ta ooilley thie Israel roonagh as creoi-chreeagh.

Earrooyn 22:20

As haink Jee gys Balaam ’syn oie, as dooyrt eh rish, My hig ny deiney shoh dy eamagh ort, trog ort, as immee mâroo: agh ny-yeih, cre-erbee jir-ym rhyt, shen nee oo loayrt.

Noo Mian 10:40

Eshyn ta soiaghey jiuish, t’eh soiaghey jeem’s: as eshyn ta soiaghey jeem’s, t’eh soiaghey jehsyn t’er my choyrt.

Noo Luke 10:16

Eshyn eaishtys riuish, t’eh geaishtagh rhym’s: as eshyn ta soiaghey beg jiuish, t’eh soiaghey beg jeem’s: as eshyn ta soiaghey beg jeem’s, t’eh soiaghey beg jehsyn ta er my choyrt.

Noo Luke 19:14

Agh dirree yn theay shen magh n’oï, as hug ad chaghteraght geiyrt er, gra, Cha naill-lhien yn dooinney shoh dy reill harrin.

Noo Luke 19:27

Agh ad shen my noidyn nagh bailliu mish dy reill harrystoo, cur-jee lhieu ad ayns shoh, as cur-jee ad gy-baase kiongoyrt rhym.

Noo Ean 13:16

Dy firrinagh firrinagh ta mee gra riu, Cha vel y charvaant ny syrjey na e hiarn, ny eshyn t’er ny choyrt, ny syrjey na eshyn ren y choyrt eh.

Briwnyn 8:23

As dooyrt Gideon roo, Cha jean-yms reill harrishdiu, chamoo nee my vac reill harrishdiu: yn Chiarn reillys harrishdiu.

1 Samuel 10:19

As ta shiuish yn laa jiu er hyndaa cooyl rish yn Jee eu, ren shiu y livrey ass ooilley nyn arkys as seaghyn: as dooyrt shiu rish, Cha nee myr shen; agh cur dooin ree dy reill harrin. Nish er-y-fa shen, shass-jee fenish y Chiarn cordail rish ny tribeyn, as ny thousaneyn eu.

1 Samuel 12:1

As dooyrt Samuel rish ooilley Israel, Cur-my-ner, Ta mee er n’eaishtagh rish nyn goraa ayns ooilley ny dooyrt shiu rhym, as er n’yannoo ree harrishdiu.

1 Samuel 12:12

As tra honnick shiu dy daink Nahash ree cloan Ammon nyn ’oï, dooyrt shiu rhym, Cha jean shoh mie; agh ree vees ain harrin; tra va’n Chiarn Jee hene nyn ree.

1 Samuel 8:22

As dooyrt y Chiarn rish Samuel, Jean myr t’ad geearree, as cur ree daue. As dooyrt Samuel rish deiney Israel, Reue-jee dy chooilley ghooinney gys e ard-valley hene.

1 Samuel 8:8

Cordail rish ooilley ny obbraghyn t’ad er n’yannoo, er-dyn laa hug mee lhiam ad seose ad Egypt gys yn eer laa shoh, lioroo t’ad er my hreigeil, as er hirveish jeeghyn elley; myrgeddin t’ad jannoo rhyt’s.