1 Samuel 8:6 - Yn Vible Casherick 1775 1819

⁶ Agh va shoh dy mooar noi aigney Samuel, tra dooyrt ad, Cur dooin ree dy reill harrin. As ghow Samuel padjer gys y Chiarn.

1 Samuel 8:6 ပူးပေါင်းရင်းမြစ်များ

Psalmyn 109:4

Myr shoh t’ad er chooilleeney dou olk son mie: as goanlys er son my aigney-mie.

Exodus 32:21

As dooyrt Moses rish Aaron, Cre’n olk ren y pobble shoh rhyt’s, dy vel oo er hayrn lheid y peccah orroo?

Exodus 32:32

Ny-yeih nish, my she dty aigney eh, leih daue nyn beccah; as mannagh jean oo, lhig dooys, ta mee guee ort, ve er my gholley ass dty lioar t’ou er scrieu.

Hosea 13:10

Beem’s dty ree: cre vel fer erbee elley oddys sauail oo ayns ooilley dty ard-valjyn? as dty vriwnyn, my-nyn-gione dooyrt oo, Cur dou ree as princeyn?

Earrooyn 16:15

As va Moses feer jymmoosagh, as dooyrt eh rish y Chiarn, Ny jean uss soiagh jeh’n oural oc: cha vel mish er ghoaill voue wheesh as un assyl, chamoo ta mee er n’yannoo yn aggair sloo da unnane oc.

Earrooyn 16:22

As huitt ad er nyn eddinyn, as dooyrt ad, O Yee, Jee spyrrydyn dy chooilley eill, jean un dooinney peccah, as bee uss corree rish ooilley’n cheshaght?

Earrooyn 16:46

As dooyrt Moses rish Aaron, Gow censer, as cur aile ayn veih’n altar, as cur incense er, as immee dy tappee stiagh gys y cheshaght, as jean lhiasaghey er nyn son: son ta jymmoose er n’gholl magh veih’n Chiarn: ta’n chramp er ghoaill toshiaght.

Philippianee 4:6

Ny bee-jee imneagh son nhee erbee: agh ayns dy chooilley nhee liorish padjer as accan lesh toyrt-booise, lhig da ny aghinyn eu ve soilshit da Jee.

Jamys 1:5

My ta veg euish feme creenaght, lhig da geearree er Jee, ta coyrt dy feoilt da dy chooilley ghooinney, as nagh vel mooaraghey, as bee eh er ny choyrt da.

1 Samuel 10:19

As ta shiuish yn laa jiu er hyndaa cooyl rish yn Jee eu, ren shiu y livrey ass ooilley nyn arkys as seaghyn: as dooyrt shiu rish, Cha nee myr shen; agh cur dooin ree dy reill harrin. Nish er-y-fa shen, shass-jee fenish y Chiarn cordail rish ny tribeyn, as ny thousaneyn eu.

1 Samuel 12:12

As tra honnick shiu dy daink Nahash ree cloan Ammon nyn ’oï, dooyrt shiu rhym, Cha jean shoh mie; agh ree vees ain harrin; tra va’n Chiarn Jee hene nyn ree.

1 Samuel 12:17

Nagh vel eh jiu imbagh y fouyr-churnagh? neem’s geamagh gys y Chiarn, as ver eh neose taarnagh as fliaghey; dy vod shiu goaill tastey as fakin dy mooar nyn olkys ayns shilley’n Chiarn, ayns shirrey diu hene ree.

1 Samuel 12:19

As dooyrt ooilley’n pobble rish Samuel, Guee gys y Chiarn dty Yee son dty harvaantyn, nagh vow mayd baase: son harrish as erskyn ooilley nyn beccaghyn elley ta shin er n’yannoo yn olk shoh, dy yeearree dooin ree.

1 Samuel 12:23

Agh er my hon’s, ny lhig eh Jee dy jinnin peccah noi’n Chiarn liorish scuirr dy ghoaill padjer er nyn son: agh nee’m gynsaghey diu yn raad mie as cairagh.

1 Samuel 15:11

Ta mee chaghlaa my aigney noi Saul dy vel mee er hoiaghey seose eh dy ve ny ree: son t’eh er choyrt cooyl rhym, as cha vel eh er chooilleeney my harey. As va shoh trimshey mooar da Samuel; as deïe eh gys y Chiarn fud-ny-hoie.

1 Samuel 7:5

As dooyrt Samuel, Lhig da ooilley Israel ve er nyn jaglym cooidjagh ec Mizpeh, as goyms padjer er nyn son gys y Chiarn.