1 Samuel 8:20 - Yn Vible Casherick 1775 1819

²⁰ Dy vod shinyn myrgeddin ve myr ashoon elley; as dy vod nyn ree shin y vriwnys, as dy ve nyn leeideilagh, as dy reill ny caggaghyn ain.

1 Samuel 8:20 ပူးပေါင်းရင်းမြစ်များ

Psalmyn 106:35

Agh ren ad sheshaght rish ny ashoonyn: as dynsee ad nyn gliaghtaghyn.

Exodus 33:16

Son cre liorish vees eh er ny hoilshaghey ayns shoh dy vel mish as dty phobble er gheddyn foayr ayns dty hilley’s? Nagh nee liorish dy vel oo goll mârin? Myr shoh bee mayd orrin hene, mish as dty phobble, er nyn scarrey voish dy chooilley phobble t’er eaghtyr y thallooin.

Earrooyn 23:9

Son veih mullagh ny creggyn hee-ym eh, as veih ny croink ta mee fakin eh: cur-my-ner, nee’n pobble cummal orroo hene, as cha bee ad er nyn goontey mastey ny ashoonyn.

Noo Ean 15:19

Dy beagh shiuish jeh’n theihll, veagh y seihll graihagh er e vooinjer hene: agh son nagh vel shiu jeh’n theihll, agh dy vel mish er reih shiu ass y theihll, shen-y-fa ta dwoaie ec y theihll erriu.

Romanee 12:12

Gennal ayns treishteil; surransagh ayns seaghyn; tannaghtyn kinjagh ayns padjer:

2 Corinthianee 6:17

Shen-y-fa tar-jee magh veih nyn mast’ oc, as bee-jee er nyn scarrey voue, ta’n Chiarn dy ghra, as ny benn-jee rish yn red neu-ghlen; as neem’s goaill riu,

Deuteronomy 7:6

Son pobble casherick shiuish gys y Chiarn nyn Yee: ta’n Chiarn nyn Yee er reih shiu dy ve ny phobble er-lheh da hene, erskyn dy chooilley ashoon t’er feaï-ny-cruinney.

Philippianee 3:20

Son ta cairys cummaltee ain ayns niau, veih ta shin myrgeddin jeeaghyn son yn Saualtagh, yn Chiarn Yeesey Creest:

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh:

1 Samuel 12:12

As tra honnick shiu dy daink Nahash ree cloan Ammon nyn ’oï, dooyrt shiu rhym, Cha jean shoh mie; agh ree vees ain harrin; tra va’n Chiarn Jee hene nyn ree.

1 Samuel 12:2

As nish, cur-my-ner, ta’n ree eu dy leeideil shiu: as ta mish shenn, as my chione lheeah; as cur-my-ner, ta my vec mêriu: as shione diu my ymmyrkey veih my aegid gys y laa t’ayn jiu.

1 Samuel 8:5

As dooyrt ad rish, Cur-my-ner, t’ou uss shenn, as cha vel dty vec shooyl ayns dty raaidyn: cur dooin nish ree dy vriwnys shin myr t’ec dy chooilley ashoon elley.