1 Samuel 8:15 - Yn Vible Casherick 1775 1819

¹⁵ As nee eh goaill yn jeihoo ayrn jeh’n arroo, as jeh ny garaghyn-feeyney eu, as ver eh ad da ny fir-oik echey, as da e harvaantyn.

1 Samuel 8:15 ပူးပေါင်းရင်းမြစ်များ

Genesis 37:36

As chreck ny Midianiteyn eh ayns Egypt, rish Potiphar, fer-oik fo Pharaoh, as captan e ghard.

Isaiah 39:7

As jeh dty vec hig jeed’s, nee oo y gheddyn, nee ad goaill ersooyl ad; bee ad nyn shirveishee ayns plaase ree Vabylon.

Daniel 1:18

Nish ec kione ny laghyn shen va’n ree er ghoardrail dy chur lesh stiagh ad, eisht hug yn ard-eunuch lesh stiagh ad fenish Nebuchadnezzar.

Daniel 1:3

As loayr y ree rish Ashpenaz yn ard-eunuch, dy ghoaill huggey shiartanse dy chloan Israel, jeh’n sluight reeoil, as jeh ny princeyn;

1 Samuel 8:14

As nyn magheryn nee eh goaill, as nyn garaghyn-feeyney, as ny garaghyn-olive eu, eer yn chooid share jeu, as ver eh ad da e harvaantyn.

1 Samuel 8:16

As nee eh goaill nyn fir-vooinjerey, as nyn inneenyn-veyl, as ny deiney aegey ’stoamey eu, as nyn assylyn, as ver eh ad gys e obbyr hene.